ឡុងដ៌៖ ការិយាល័យរបស់នាយករដ្ឋមន្រ្តី បានឲ្យដឹងថា ចក្រភពអង់គ្លេស បានអញ្ជើញប្រទេសអូស្ត្រាលី ឥណ្ឌា និងកូរ៉េខាងត្បូង ចូលរួមកិច្ចប្រជុំកំពូល នៃក្រុមទាំង៧ ហៅកាត់ថា G-7 ដែលខ្លួននឹងធ្វើជាម្ចាស់ផ្ទះនៅឆ្នាំ២០២១ ក្នុងនាមជាប្រទេសជាភ្ញៀវកិត្ដិយស។
ការិយាល័យបានឲ្យដឹងថា លោកនាយករដ្ឋមន្រ្តី Boris Johnson បានអញ្ជើញប្រទេសឥណ្ឌា ចូលរួមក្នុងកិច្ចប្រជុំកំពូលនេះ នៅក្នុងលិខិតមួយផ្ញើទៅសមភាគីឥណ្ឌា របស់លោក គឺលោក Narendra Modi មុនពេលដំណើរទស្សនកិច្ចរបស់លោក ទៅកាន់ប្រទេសអាស៊ីខាងត្បូង នៅខែក្រោយ។
សេចក្តីថ្លែងការណ៍នោះបានឲ្យដឹង នៅក្នុងសេចក្តីថ្លែងការណ៍មួយថា លោក Boris Johnson បានសរសេរទៅកាន់លោក ណារិនដ្រា ម៉ូឌី ដើម្បីអញ្ជើញប្រទេសឥណ្ឌា ជាប្រទេសភ្ញៀវមួយក្នុងចំណោមប្រទេសចំនួន ៣ នៅក្បែរប្រទេសកូរ៉េខាងត្បូង និងអូស្រ្តាលី ដោយផ្តល់មហិច្ឆតារបស់នាយករដ្ឋមន្រ្តី ដើម្បីធ្វើការជាមួយក្រុមប្រជាធិបតេយ្យ ដែលមានគំនិតដូចគ្នាមួយ ដើម្បីជំរុញផលប្រយោជន៍រួមគ្នា និងដោះស្រាយបញ្ហាប្រឈមរួម”។
គួរបញ្ជាក់ថា សមាជិកក្រុមប្រទេស G-7 ផ្សេងទៀត គឺប្រទេសកាណាដាបារាំង អាឡឺម៉ង់ អ៊ីតាលី ជប៉ុន និងសហរដ្ឋអាមេរិក រួមទាំងសហគមន៍អ៊ឺរ៉ុបផងដែរ។
កាលពីដើមឆ្នាំនេះប្រធានាធិបតី សហរដ្ឋអាមេរិកលោក ដូណាល់ ត្រាំ បានហៅក្របខ័ណ្ឌ G-7 នាពេលបច្ចុប្បន្នថា“ ហួសសម័យណាស់” ហើយបានបង្ហាញពីបំណងចង់ ពង្រីកក្រុមនេះរួមមានអូស្រ្តាលី ប្រេស៊ីល ឥណ្ឌា រុស្ស៊ី និងកូរ៉េខាងត្បូង៕
ដោយ ឈូក បូរ៉ា
