បរទេស៖ សភាពាណិជ្ជកម្មសហរដ្ឋអាមេរិក កំពុងព្យាយាមការពារនៃការប៉ុនប៉ងដាក់ពន្ធ (តម្លើងពន្ធ) របស់សហរដ្ឋអាមេរិក លើការនាំចូលគិតជាប្រាក់ រាប់ពាន់លានដុល្លារ លើប្រទេសវៀតណាម។
យោងតាមសារព័ត៌មាន Sputnik ចេញផ្សាយនៅថ្ងៃទី១៥ ខែធ្នូ ឆ្នាំ២០២០ បានឱ្យដឹងថា នៅក្នុងកំណត់ត្រាសង្ខេប នៅលើគេហទំព័ររបស់ខ្លួន សភាពពាណិជ្ជកម្មអាមេរិក នៅថ្ងៃអង្គារបាននិយាយថា រដ្ឋាភិបាលទីក្រុងហាណូយ មិនបានបំពេញនីតិវិធីបីផ្នែក របស់រតនាគារសហរដ្ឋអាមេរិក ចំពោះការអនុវត្តនីតិវិធី រូបិយប័ណ្ណដោយអយុត្តិធម៌។
នីតិវិធីមានបីផ្នែកទាក់ទងនឹងទី១ ថាតើប្រទេសវៀតណាមមាន អតិរេកគណនីចរន្តយ៉ាងហោចណាស់ ២ ភាគរយនៃផលិតផលក្នុងស្រុកសរុប, ទី២ ថាតើការទិញរូបិយប័ណ្ណបរទេសសុទ្ធ របស់ខ្លួនមានចំនួនយ៉ាងហោចណាស់ ២ភាគរយ នៃផលិតផលក្នុងស្រុកសរុបក្នុងរយៈពេល ១២ ខែ និងទី៣ ថាតើវៀតណាមមាន អតិរេកពាណិជ្ជកម្មទ្វេភាគីជាមួយ សហរដ្ឋអាមេរិកយ៉ាងហោចណាស់ ២០ ពាន់លានដុល្លារក្នុងរយៈពេល ១២ ខែ។
សភាពាណិជ្ជកម្មសហរដ្ឋអាមេរិក បានកត់សម្គាល់ថា គណនីចរន្តរបស់ប្រទេសវៀតណាម ពិតជាស្ថិតនៅក្នុងឱនភាព មិនមែនអតិរេក និងកំពុងទទួលបានអត្ថប្រយោជន៍ បន្ថែមពីលំហូរចូលយ៉ាងច្រើន នៃការវិនិយោគផ្ទាល់ពីបរទេស ដែលមួយផ្នែកនៃការដាក់ទណ្ឌកម្ម របស់សហរដ្ឋអាមេរិកមកលើប្រទេសចិន ៕
ប្រែសម្រួលៈ ណៃ តុលា
