អង្គការសហប្រជាជាតិ អនុម័តដំណោះស្រាយ អំពាវនាវឲ្យមានការកែលម្អ បញ្ហាសិទ្ធិមនុស្សកូរ៉េខាងជើង

វ៉ាស៊ីនតោន៖ មហាសន្និបាតអង្គការ សហប្រជាជាតិ បានអនុម័តសេចក្តីសម្រេចចិត្តមួយ ដោយអំពាវនាវឱ្យមានការកែលម្អ លក្ខខណ្ឌសិទ្ធិមនុស្ស នៅកូរ៉េខាងជើង ដោយសេចក្តីសម្រេចនេះ គឺជាលើកទី១៦ ហើយដែលត្រូវអនុវត្តចាប់តាំងពីឆ្នាំ២០០៥ ។

យោងតាមការចុះផ្សាយ របស់ទីភ្នាក់ងារសារព័ត៌មានយុនហាប់ បានឲ្យដឹងថា អង្គការសហប្រជាជាតិ បានថ្កោលទោសជាថ្មីម្តងទៀត“ ក្នុងន័យខ្លាំងបំផុតការ រំលោភបំពានជាទូទៅ និងការរំលោភបំពានជាទូទៅលើសិទ្ធិមនុស្ស” ដោយអាជ្ញាធរកូរ៉េខាងជើង។

ស្ថាប័នពិភពលោកមួយនេះ ក៏បានសម្តែងនូវ“ ការព្រួយបារម្ភយ៉ាងខ្លាំង” អំពីអ្វីដែលគេហៅថា“ របាយការណ៍ជាប់លាប់ នៃការធ្វើទារុណកម្ម និងអំពើហឹង្សាប្រឆាំងនឹងយេនឌឺ” ។

ការអនុម័តសេចក្តីសម្រេចនេះ​ បានកើតឡើងជិតមួយខែ បន្ទាប់ពីគណៈកម្មាធិការទី៣ នៃមហាសន្និបាតអង្គការសហប្រជាជាតិ បានអនុម័តសេចក្តីសម្រេចនេះ ដោយមានការយល់ព្រមជាឯកច្ឆន្ទ។

ប្រទេសកូរ៉េខាងត្បូង បានសម្រេចចិត្ត មិនសហការឧបត្ថម្ភ ដំណោះស្រាយនេះ រយៈពេល ២ ឆ្នាំជាប់គ្នា ចំពេលដែលកិច្ចខិតខំប្រឹងប្រែងរបស់ខ្លួន ដើម្បីបន្តការសន្ទនាគ្នារវាងកូរ៉េទាំងពីរ។

ប្រធានបេសកកម្មការទូតរបស់កូរ៉េខាងជើង ប្រចាំនៅអង្គការសហប្រជាជាតិ បានបដិសេធយ៉ាងខ្លាំង ចំពោះការអនុម័តសេចក្តីសម្រេចនេះដោយគណៈកម្មាធិការកាលពីថ្ងៃទី១៨ ខែវិច្ឆិកាដោយបានហៅវាថា ជាការនិយាយបង្កាច់បង្ខូចនយោបាយ ដែលបានផ្ទុះឡើង៕