បរទេស៖កូរ៉េខាងត្បូង នាពេលថ្មីៗនេះ តាមសេចក្តីរាយការណ៍ បានព្រមព្រៀងគ្នាទិញយកឧទ្ធម្ភាគចក្រ MH-60R Seahawk ដើម្បីកសាងកងឧទ្ធម្ភាគចក្រ ដែនសមុទ្ររបស់ខ្លួន ដោយធ្វើការជ្រើសយកម៉ូដែល សហរដ្ឋអាមេរិក។
រដ្ឋបាលនៃកម្មវិធីទិញប្រព័ន្ធការពារជាតិរបស់ទីក្រុងសេអ៊ូល នៅថ្ងៃអង្គារសប្ដាហ៍នេះ បាននិយាយប្រាប់ថា កុងត្រាមានទំហំទឹកប្រាក់៨៧៨លានដុល្លារនោះ ទើបត្រូវបានចុះហត្ថលេខាជាមួយក្រុមហ៊ុនការពារជាតិ Sikorsky ដែលជាក្រុមហ៊ុន សាខាមួយរបស់ Lockheed Martin។
គួរបញ្ជាក់ថា ការប្រកាសនេះ គឺត្រូវបានធ្វើឡើង នៅក្នុងអំឡុងពេលកិច្ចប្រជុំមួយនៃគណៈកម្មាធិការលើកកម្ពស់គម្រោងការពារជាតិ របស់ទីក្រុងសេអ៊ូល ដែលកំពុងតែឈោងចាប់យកសមត្ថភាពប្រតិបត្តិការប្រឆាំងនាវានិង ប្រឆាំងនាវាមុជទឹក តាមរយៈការទិញឧបករណ៍ការពារជាតិពីបរទេស៕
