បរទេស៖ លោកប្រធានាធិបតី Tayyip Erdogan បាននិយាយនៅថ្ងៃពុធនេះថា ប្រទេសតួកគីសង្ឃឹមថា នឹងបើកទំព័រថ្មីមួយក្នុងចំណងមិត្តភាពរបស់ខ្លួន ជាមួយសហរដ្ឋអាមេរិកនិងសហភាពអឺរ៉ុប និងថា ទីក្រុងអង់ការ៉ា ទទួលរង់ស្តង់ដារដល់ទៅពីរ ពីសម្ពន្ធមិត្តណាតូគឺទីក្រុងវ៉ាស៊ីនតោន និងសហភាពអឺរ៉ុប។
ថ្លែងប្រាប់សមាជិករដ្ឋសភានានា មកពីគណបក្សកាន់អំណាច គឺបក្ស AK Party លោកប្រធានាធិបតីតួកគីរូបនេះ បានមានប្រសាសន៍ថា របៀបវារៈបែបសិប្បនិម្មិត បានតេស្តសាកល្បងចំណងមិត្តភាពរបស់តួកគី ជាមួយសហភាពអឺរ៉ុបនិងសហរដ្ឋអាមេរិក នៅក្នុងឆ្នាំ២០២០ ប៉ុន្តែលោកសង្ឃឹមថា រឿងរ៉ាវនឹងប្រសើរឡើង។
គួរបញ្ជាក់ថា នៅក្នុងខែនេះ ទីក្រុងវ៉ាស៊ីនតោន បានដាក់ទណ្ឌកម្មប្រទេសតួកគី ជុំវិញការទិញប្រព័ន្ធការពារមីស៊ីលរុស្ស៊ី S-400 ហើយសហភាពអឺរ៉ុប ក៏បានត្រៀមរៀបចំវិធានការដាកពិន័យ ដោយសាររឿងជម្លោះតួកគីជាមួយ ប្រទេសក្រិក និងសាធារណរដ្ឋស៊ីប ជុំវិញសិទិ្ធដែនសមុទ្រមេឌីទែរ៉ានេ ៕
ប្រែសម្រួល៖ ប៉ាង កុង
