សិង្ហបុរី៖ កាលពីថ្ងៃពុធរដ្ឋាភិបាលសិង្ហបុរី បានចាប់ផ្តើមចាក់ថ្នាំបង្ការ ប្រជាជននៅក្នុងទីក្រុងនេះ ជាមួយនឹងការចាក់វ៉ាក់សាំង Pfizer-BioNTech ដែលជាប្រទេសដំបូងគេនៅទ្វីបអាស៊ី នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។
ដូចផែនការដែលបានគ្រោងទុកមុននេះ ក្រសួងសុខាភិបាលបានឲ្យដឹងថា បុគ្គលិកថែទាំសុខភាព បានទទួលការចាក់ថ្នាំបង្ការដំបូង នៅមជ្ឈមណ្ឌលជាតិប្រយុទ្ធ នឹងជំងឺឆ្លង នៅព្រឹកថ្ងៃពុធដោយអ្នកទី១ ឈ្មោះសារ៉ាលីម អាយុ ៤៦ ឆ្នាំជាគិលានុបដ្ឋាយិកាបុគ្គលិកជាន់ខ្ពស់ ដែលធ្វើការពិនិត្យរកការឆ្លងមេរោគ ដែលសង្ស័យថា មានផ្ទុកមេរោគនៅមជ្ឈមណ្ឌល។ ។
បុគ្គលិកជាង ៣០ នាក់មកពី NCID ត្រូវបានគេរំពឹងថា នឹងទទួលថ្នាំបង្ការនៅថ្ងៃនេះ។ រដ្ឋាភិបាលបានឲ្យដឹងផងដែរថា បន្ទាប់ពីបុគ្គលិកថែទាំសុខភាពបុគ្គលិកជួរមុខដទៃទៀត និងមនុស្សចាស់ត្រូវបានគេរំពឹងថា នឹងជាជួរបន្ទាប់ ហើយបន្ទាប់មកទៀតនឹងមានប្រជាជនផ្សេងទៀត។
រដ្ឋមន្ត្រីសុខាភិបាលលោក គីម យ៉ុង បានប្រាប់អ្នកសារព័ត៌មាន ក្នុងដំណើរទស្សនកិច្ចនៅ NCID នៅព្រឹកថ្ងៃនេះថា“ យើងមានគោលបំណងបញ្ចប់ការ គ្របដណ្តប់របស់យើង នៅដំណាច់ឆ្នាំក្រោយ”៕
ដោយ ឈូក បូរ៉ា
