វ៉ាស៊ីនតោន៖ ប្រធានាធិបតីអាមេរិកលោក ចូ បៃដិន កាលពីថ្ងៃពុធបានចូលកាន់តំណែង ជាមួយអនុប្រធានាធិបតីស្ត្រីទីមួយ របស់ប្រទេស ដោយបានសន្យាថា ទីក្រុងវ៉ាស៊ីនតោន នឹងវិលទៅរកពហុភាគីនិយម និងធ្វើឱ្យមានសម្ព័ន្ធភាពឡើងវិញក្នុងកំឡុងពេល ៤ ឆ្នាំក្រោមរបៀបវារៈ“ អាមេរិកដំបូង” របស់លោកដូណាល់ ត្រាំ។
ថ្លែងពីវិមានកាពីតូល ដែលទើបតែ ២ សប្តាហ៍មុនត្រូវបានវាយប្រហារ ដោយហ្វូងមនុស្សគាំទ្រលោក ត្រាំ ដែលព្យាយាមរារាំងការផ្ទេរ អំណាចប្រធានាធិបតីវ័យ ៧៨ ឆ្នាំរូបនេះបានប្រកាសថា លទ្ធិប្រជាធិបតេយ្យ បានទទួលជោគជ័យ ប៉ុន្តែត្រូវការការងារជាច្រើន ដើម្បីជួសជុល និងព្យាបាល ប្រទេស ដែលបែងចែកយ៉ាងជូរចត់នេះ។
លោកបានលើកឡើង បន្ទាប់ពីបានស្បថ ចូលកាន់តំណែងជាប្រធានាធិបតីទី៤៦ ថា“ ថ្ងៃទី២០ ខែមករានេះព្រលឹងខ្ញុំទាំងមូល គឺនៅក្នុងនេះ ដែលនាំអាមេរិករួមគ្នា បង្រួបបង្រួមប្រជាជនរបស់យើង បង្រួបបង្រួមប្រជាជាតិរបស់យើង ។ ហើយខ្ញុំសូមឲ្យជនជាតិអាមេរិកទាំងអស់ ចូលរួមជាមួយខ្ញុំក្នុងបុព្វហេតុនេះ” នៃសហរដ្ឋអាមេរិក។
ជាសាររបស់លោកទៅ កាន់បណ្តាប្រទេសនានានៅជុំវិញ ពិភពលោកលោក បៃដិន បានលើកឡើងថា“ យើងនឹងជួសជុលសម្ព័ន្ធភាព របស់យើង និងចូលរួមជាមួយពិភពលោកជាថ្មីម្តងទៀត មិនមែនដើម្បីឆ្លើយតបបញ្ហា ប្រឈមកាលពីម្សិលមិញនោះទេ ប៉ុន្តែបញ្ហាប្រឈមនាពេលបច្ចុប្បន្ន និងថ្ងៃស្អែក”៕
