វ៉ាស៊ីនតោន៖ អនុប្រធានាធិបតីអាមេរិកលោកស្រី Nancy Pelosi បានលើកឡើងថា គណៈកម្មាធិសភានឹងធ្វើការ លើកញ្ចប់ជំនួយសង្គ្រោះថ្មីជំងឺកូវីដ- ១៩ នៅសប្តាហ៍ក្រោយ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
នៅក្នុងសន្និសីទសារព័ត៌មាន ប្រចាំសប្តាហ៍លោកស្រី Pelosi បានឲ្យដឹងថា “យើងបានត្រៀមកញ្ចប់ជំនួយសង្គ្រោះជំងឺកូវីដ-១៩ ហើយយើងនឹងធ្វើការលើបញ្ហានេះ នៅពេលយើងកំពុងដំណើរការទៅ” ។
លោកស្រីបានលើកឡើងថា “យើងនឹងធ្វើការងាររបស់គណៈកម្មាធិការ របស់យើងពេញមួយសប្តាហ៍ក្រោយ ដូច្នេះយើងបានត្រៀមខ្លួនរួចរាល់ហើយ ដើម្បីទៅជាន់នៅពេលយើងត្រឡប់មកវិញ” នៅដើមខែកុម្ភៈ។
លោកស្រី Pelosi បានកត់សម្គាល់ថា សំណើជំនួយពីរដ្ឋបាលលោក ចូ បៃដិន បានបង្កើតឡើងលើគំនិតផ្តួចផ្តើមជាច្រើន ដែលមាននៅក្នុងកញ្ចប់មុន ដែលត្រូវបានព្រាងដោយក្រុមអ្នកប្រជាធិបតេយ្យ។
លោកស្រីបានលើកឡើងថា“ វាជាអ្វីដែលប្រជាជនត្រូវការ ហើយប្រទេសត្រូវការកំទេចមេរោគនេះចោល ហើយដាក់ប្រាក់ចូលហោប៉ៅ របស់ប្រជាជនអាមេរិក និងគោរពវីរបុរសរបស់យើង”៕
ដោយ ឈូក បូរ៉ា
