អ្នកឆ្លងវីរុសកូវីដ១៩នៅថៃ កើនដល់ ១៦ ២២១នាក់ បន្ទាប់ពីរកឃើញអ្នកឆ្លងថ្មី ៧៥៦នាក់ទៀត

បរទេស៖ រដ្ឋាភិបាលថៃ នៅថ្ងៃព្រហស្បតិ៍នេះ បានរាយការណ៍ករណីឆ្លងថ្មី វីរុសកូវីដ១៩ ចំនួន ៧៥៦នាក់ទៀត ក្នុងនោះ ឆ្លងក្នុងសហគមន៍ចំនួន ៧៤៦ នាក់ និងការនាំចូលចំនួន ១០នាក់ ដែលធ្វើអោយចំនួនអ្នកឆ្លងវីរុសនេះ សរុបកើនឡើងដល់ ១៦ ២២១ នាក់។

យោងតាមសារព័ត៌មាន Bangkok Post ចេញផ្សាយនៅថ្ងៃទី២៨ ខែមករា ឆ្នាំ២០២១ បានឱ្យដឹងថា លោកស្រី Apisamai Srirangsan ជំនួយការអ្នកនាំពាក្យមជ្ឈមណ្ឌល គ្រប់គ្រងស្ថានភាពវីរុសកូវីដ-១៩ បាននិយាយថា មានករណីឆ្លងថ្មីចំនួន ៧២៤ ត្រូវបានរកឃើញតាមរយៈការស្វែងរក ករណីសកម្មនៅក្នុងសហគមន៍ និង ២២ ករណីផ្សេងទៀតត្រូវបានបញ្ជាក់នៅមន្ទីរពេទ្យ។

សូមជម្រាបថា ក្នុងចំណោមករណីឆ្លងសរុបចំនួន ១៦.២២១ នាក់ ថៃបានព្យាបាលអ្នកជំងឺកូវីដ១៩ ឱ្យជាសះស្បើយចំនួន ១១ ២៨៧ នាក់ (៦៩.៥%) និងអ្នកជំងឺចំនួន ៤ ៨៥៨ នាក់ កំពុងទទួលការព្យាបាល ចំណែកអ្នកស្លាប់ដោយសារវីរុសនេះ គឺមានចំនួន ៧៦នាក ៕

ប្រែសម្រួលៈ ណៃ តុលា