យោធា មីយ៉ាន់ម៉ា ដករដ្ឋមន្រ្តីនិងសមាជិកសភា២៤រូប ដាក់ជំនួស១១នាក់នៅក្នុងរដ្ឋបាលថ្មី

យ៉ាំងហ្គោនៈ យោធារបស់ប្រទេសមីយ៉ាន់ម៉ា បានប្រកាសពីការបោសសំអាត រដ្ឋាភិបាលដែលបានជ្រើសរើសតាម បែបប្រជាធិបតេយ្យរបស់ លោកស្រី អ៊ុងសានស៊ូជី ដោយបានដករដ្ឋមន្រ្តីនិងសមាជិកសភាចំនួន២៤រូប ខណៈដាក់ឈ្មោះជំនួស១១រូបនៅក្នុងរដ្ឋបាលថ្មី របស់ខ្លួន បន្ទាប់ពីធ្វើការ ដណ្តើមអំណាច ដោយរដ្ឋប្រហារ។

យោងតាមការចេញផ្សាយរបស់ Channel News Asia បានឲ្យដឹងថា ការប្រកាសនេះត្រូវបានធ្វើឡើងនៅលើកញ្ចក់ទូរទស្សន៍ Myawadday ដែលគ្រប់គ្រងដោយ យោធា ដោយបានឲ្យដឹងទៀតថា និងមានការតែងតាំងតំណែងថ្មី​ នៅក្នុង ក្បាលម៉ាស៊ីនផ្នែក ហិរញ្ញវត្ថុ, សុខមាលភាព, ទំនាក់ទំនងការបរទេស, ការពារជាតិ, ព្រំដែន, និងមហាផ្ទៃ។