បរទេស៖ រូបភាពផ្កាយរណបបង្ហាញ ពីមូលដ្ឋានមីស៊ីលបាញ់ ទៅលើអាកាស ដែលកំពុងសាងសង់នៅស្រុក និញមិញ ខេត្តក្វាងស៊ី ប្រទេសចិន ដែលមានចម្ងាយប្រហែល ២០ គីឡូម៉ែត្រពីព្រំដែនវៀតណាម ។
យោងតាមសារព័ត៌មាន RFA ជាភាសាវៀតណាម ចេញផ្សាយនៅថ្ងៃទី៣ ខែកុម្ភៈ ឆ្នាំ២០២១ បានឱ្យដឹងថា គម្រោងសមុទ្រ ខាងកើត Dai Dai Ky ដែលជាគម្រោងស្រាវជ្រាវ ដែលឧបត្ថម្ភថវិកា ដោយបណ្តាប្រទេស លោកខាងលិចមួយចំនួន បានបង្ហោះរូបភាពផ្កាយរណប និងរូបភាពវិភាគ ដែលផ្តល់ដោយដៃគូនានា នៅលើគេហទំព័រ របស់ពួកគេកាលពីថ្ងៃទី ៣ ខែមីនា បង្ហាញថា មូលដ្ឋាននេះ ស្ថិតនៅចម្ងាយប្រហែល ៤០ គីឡូម៉ែត្រខាងជើង នៃមូលដ្ឋានពីអ្វី ដែលជាគេជឿថា ជាកន្លែងចុះចតឧទ្ធម្ភាគចក្រ យោធាមួយ ដែលកំពុងសាងសង់។ មូលដ្ឋានមីស៊ីលបាញ់ទៅលើអាកាស បែបនេះអនុញ្ញាតឱ្យចិន ដាក់ពង្រាយប្រតិបត្តិការយោធា ក្នុងស្ថានភាពភូមិសាស្ត្រ និងអាកាសធាតុនានា ។
យោងតាមការវិភាគ នៃគម្រោងដាយ Dai Su Ky Dong Dong ទីតាំងមីស៊ីលបាញ់ប្រឆាំងយន្តហោះនេះ នឹងអនុញ្ញាតឱ្យស្ទាក់ចាប់ការ វាយប្រហាររបស់សត្រូវ នៅលើអាកាស។ ទិន្នន័យបានបង្ហាញថា ការស្ថាបនាបានចាប់ផ្តើម នៅពាក់កណ្តាលឆ្នាំ ២០១៩ ហើយការសាងសង់ជិត រួចរាល់ហើយ ។
គម្រោងប្រវត្តិសមុទ្រចិនខាងត្បូង រាយការណ៍ថា ប្រទេសចិនហាក់ដូចជាកំពុងធ្វើឡើងវិញនូវលំនាំ ដែលខ្លួនធ្លាប់បានសាងសង់នៅ ជិតព្រំដែនឥណ្ឌា និងខ្ពង់រាបទីបេ។ ទោះយ៉ាងណាគំរូខិតទៅជិតព្រំដែន វៀតណាមនេះ គឺតូចជាងគំរូដែលដាក់ពង្រាយដោយចិន នៅតាមបណ្តោយព្រំដែនជាមួយឥណ្ឌា ៕ប្រែសម្រួលៈ ណៃ តុលា
