FDA របស់អាមេរិក អនុញ្ញាតឱ្យប្រើប្រាស់ បន្ទាន់វ៉ាក់សាំង បង្ការជំងឺកូវីដ១៩ ទី៣ របស់ក្រុមហ៊ុន Johnson & Johnson

បរទេស៖ មុននេះរដ្ឋបាលចំណីអាហារនិងឱសថអាមេរិក (FDA) បានអនុម័តការប្រើប្រាស់វ៉ាក់សាំងចំនួនពីរប្រឆាំងនឹងមេរោគ របស់ក្រុមហ៊ុន Pfizer BioNTech និង Moderna ។ នៅពេលនេះ FDA នៅថ្ងៃសៅរ៍បានចេញការអនុញ្ញាតឱ្យប្រើប្រាស់ជាបន្ទាន់សម្រាប់វ៉ាក់សាំងរបស់ក្រុមហ៊ុន Johnson & Johnson ដែលអនុម័តការប្រើប្រាស់បរិវេណថ្នាំនេះចំពោះមនុស្សដែលមានអាយុចាប់ពី ១៨ ឆ្នាំឡើងទៅ។

យោងតាមសារព័ត៌មាន Sputnik ចេញផ្សាយនៅថ្ងៃទី២៧ ខែកុម្ភៈ ឆ្នាំ២០២១ បានឱ្យដឹងថា លោក Peter Marks នាយកមជ្ឈមណ្ឌលជីវសាស្រ្តនៃជីវសាស្រ្តរបស់ FDA បាននិយាយថា “ បន្ទាប់ពីការវិភាគយ៉ាងហ្មត់ចត់ទៅលើទិន្នន័យ អ្នកវិទ្យាសាស្ត្រនិងគ្រូពេទ្យរបស់ FDA បានកំណត់ថា វ៉ាក់សាំងនេះ (Johnson & Johnson ) បំពេញតាមការរំពឹងទុករបស់ FDA សម្រាប់សុវត្ថិភាពនិងប្រសិទ្ធភាពសមស្របសម្រាប់ការអនុញ្ញាតឱ្យចាក់វ៉ាក់សាំងសម្រាប់ប្រើប្រាស់ជាបន្ទាន់” ។

ការបញ្ជាក់នេះ គឺបញ្ជាក់ពីការបើកភ្លើងខៀវឱ្យប្រើប្រាស់វ៉ាក់សាំងការពារជំងឺឆ្លងវីរុសទី ៣ នៅសហរដ្ឋអាមេរិក បន្ទាប់ពីវ៉ាក់សាំង Pfizer BioNTech និងវ៉ាក់សាំងរបស់ក្រុមហ៊ុន Moderna ត្រូវបានអនុម័តដោយ FDA កាលពីពេលមុន៕

ប្រែសម្រួលៈ ណៃ តុលា