បរទេស ៖ លោកស្រីអ៊ុងសានស៊ូជី ត្រូវបានគេមើលឃើញជាលើកដំបូង ចាប់តាំងពីលោកស្រី ត្រូវបានឃុំខ្លួន នៅក្នុងរដ្ឋប្រហារយោធាមួយ បន្ទាប់ពីលោកស្រីបានបង្ហាញខ្លួន នៅក្នុងតុលាការតាម រយៈតំណភ្ជាប់វីដេអូ ។
យោងតាមសារព័ត៌មាន BBC ចេញផ្សាយ នៅយប់ថ្ងៃទី១ ខែមីនា ឆ្នាំ២០២១ បានឱ្យដឹងថា សេចក្តីរាយការណ៍និយាយថា មេដឹកនាំដែលត្រូវគេបណ្តេញ ចេញរូបនេះ មានសុខភាពល្អ ហើយបានសុំជួបក្រុម មេធាវីរបស់លោកស្រី។
បទចោទប្រកាន់ថ្មីពីរ ត្រូវបានប្រកាសប្រឆាំង នឹងលោកស្រីស៊ូជី ដែលត្រូវបានចាប់ខ្លួន បន្ទាប់ពីរដ្ឋប្រហារថ្ងៃទី ១ ខែកុម្ភៈ។ ទន្ទឹមនឹងនេះក្រុមអ្នកតវ៉ា បានធ្វើដំណើរតាមដងផ្លូវម្តងទៀត ទោះបីថ្ងៃអាទិត្យត្រូវបានគេមើលឃើញថា ជាថ្ងៃអាក្រក់បំផុត ដែលមានមនុស្សស្លាប់ ១៨ នាក់ក៏ដោយ។
ការស្លាប់នេះបានកើតឡើង នៅពេលដែលយោធានិងប៉ូលីស បានបង្កើនការឆ្លើយតបរបស់ពួកគេ ចំពោះការធ្វើបាតុកម្មនៅទូទាំងប្រទេស កាលពីចុងសប្តាហ៍ ដោយបានបាញ់ទៅហ្វូងមនុស្ស ៕
ប្រែសម្រួលៈ ណៃ តុលា
![](https://dap-news.com/wp-content/uploads/2020/08/1-1.png)