ប៉េកាំង៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១០ ខែមីនា ឆ្នាំ២០២១នេះថា នៅថ្ងៃពុធនេះប្រទេសចិន បានចោទប្រកាន់មេបញ្ជាការ កំពូលអាមេរិកម្នាក់ពីបទប៉ុនប៉ងបង្កើត ការគំរាមកំហែងនៃការឈ្លានពានរបស់កោះតៃវ៉ាន់ ដើម្បីបំប៉ោងការចំណាយ លើវិស័យការពារជាតិរបស់ក្រុងវ៉ាស៊ីនតោន និងបង្ហាញអំពីភាពត្រឹមត្រូវនៃយោធារបស់ខ្លួននៅអាស៊ី ។
មន្រ្តីយោធាជាន់ខ្ពស់របស់សហរដ្ឋអាមេរិកប្រចាំនៅអាស៊ីប៉ាស៊ីហ្វិក ឧត្តមនាវី Philip Davidson បានថ្លែងកាលពីថ្ងៃអង្គារថា ប្រទេសចិន អាចចូលលុកលុយកោះតៃវ៉ាន់ក្នុងរយៈពេល០៦ឆ្នាំខាងមុខ ដោយសារតែទីក្រុងប៉េកាំង បង្កើនល្បឿនរបស់ខ្លួនក្នុងការផ្គត់ផ្គង់កម្លាំងយោធាអាមេរិកនៅអាស៊ី ។
កោះតៃវ៉ាន់ដែលគ្រប់គ្រងដោយប្រជាធិបតេយ្យ និងប្រជាធិបតេយ្យរស់នៅក្រោមការគំរាមកំហែងនៃការឈ្លានពានឥតឈប់ឈរពីសំណាក់ប្រទេសចិន ដែលជាមេដឹកនាំផ្តាច់ការ ហើយមេដឹកនាំទាំងនោះបានចាត់ទុកកោះនេះថា ជាផ្នែកមួយនៃទឹកដីរបស់ពួកគេ ហើយពួកគេបានប្តេជ្ញាថា នឹងយកមកគ្រប់គ្រងវិញនៅថ្ងៃណាមួយ ។
លោក Davidson បានថ្លែងថា “ខ្ញុំបារម្ភថា ពួកគេ (សំដៅលើប្រទេសចិន) បង្កើនមហិច្ឆតារបស់ពួកគេ ដើម្បីផ្គត់ផ្គង់ដល់សហរដ្ឋអាមេរិក និងតួនាទីដឹកនាំរបស់យើងនៅក្នុងបទបញ្ជាអន្តរជាតិផ្អែកលើច្បាប់នៅឆ្នាំ ២០៥០” ។
លោកបានប្រាប់ដល់គណៈកម្មាធិការព្រឹទ្ធសភាអាមេរិកថា “កោះតៃវ៉ាន់ច្បាស់ណាស់ ជាមហិច្ឆិតាមួយរបស់ពួកគេ មុនពេលនោះ ហើយខ្ញុំគិតថា ការគំរាមកំហែងត្រូវបានបង្ហាញក្នុងទសវត្សនេះតាមពិតទៅក្នុងរយៈពេល០៦ឆ្នាំខាងមុខ” ៕ប្រែសម្រួលដោយ៖ ម៉ៅ បុប្ផាមករា
