សេអ៊ូល៖ រដ្ឋមន្រ្តីបានឲ្យដឹងថា រដ្ឋមន្រ្តីការបរទេសអាមេរិក លោក Antony Blinken បានមកដល់ប្រទេសកូរ៉េខាងត្បូង ហើយនៅថ្ងៃពុធនេះ ដើម្បីពិភាក្សាជាមួយមន្រ្តីក្រុងសេអ៊ូល ស្តីពីការទូត ជាមួយប្រទេសកូរ៉េខាងជើង ដោយកិច្ចខិតខំប្រឹងប្រែងរួមគ្នា ដើម្បីធ្វើឱ្យសម្ព័ន្ធមិត្ត និងបញ្ហាផ្សេងទៀត មានភាពប្រសើរឡើង។
លោក Blinken បានមកដល់ទីនេះ បន្ទាប់ពីលោក និងរដ្ឋមន្រ្តីការពារជាតិ Lloyd Austin បានធ្វើទស្សនកិច្ចនៅប្រទេសជប៉ុន ដែលជាផ្នែកមួយ នៃដំណើរទស្សនកិច្ចក្រៅប្រទេស លើកដំបូងរបស់ពួកគេ ចាប់តាំងពីការបើកដំណើរការ របស់រដ្ឋបាលលោក ចូ បៃដិន កាលពីថ្ងៃទី២០ ខែមករា។
ដំណើរទស្សនកិច្ចរបស់អ្នកទាំងពីរ គឺចង់សង្កត់ធ្ងន់របស់អាមេរិក ទៅលើកូរ៉េខាងជើង ដែលការកសាងសម្ព័ន្ធភាព ក្នុងតំបន់ឡើងវិញ បានកើតឡើងមួយថ្ងៃ បន្ទាប់ពីលោកស្រី គីម យូជុងដែលជាប្អូនស្រីដ៏មានឥទ្ធិពល របស់មេដឹកនាំកូរ៉េខាងជើង លោក គីម ជុងអ៊ុន បានកត់សំគាល់ ការនិយាយមិនពិតមួយ ដោយសម្រេចចិត្ត ធ្វើសមយុទ្ធយោធា ដែលមានសម្ព័ន្ធមិត្ត ដែលកំពុងបន្ត ហើយព្រមានសហរដ្ឋអាមេរិក កុំឲ្យបង្កបញ្ហា ប្រសិនបើខ្លួនចង់ដេកលក់ស្រួល ក្នុងរយៈពេល ៤ឆ្នាំក្រោយ។
លោក Blinken គ្រោងនឹងចាប់ផ្តើម កិច្ចពិភាក្សាទល់មុខគ្នាលើកដំបូង ជាមួយរដ្ឋមន្រ្តីក្រសួងការបរទេស Chung Eui-yong នៅឯក្រសួងការបរទេសនៅម៉ោង ៦ និង៣០ នាទីល្ងាចនេះ។
ការសម្របសម្រួលគោលនយោបាយ លើប្រទេសកូរ៉េខាងជើង ត្រូវបានគេរំពឹងថា នឹងមានរបៀបវារៈកំពូលៗ ខណៈដែលទីក្រុងវ៉ាស៊ីនតោន គ្រោងនឹងបញ្ចប់ការពិនិត្យឡើងវិញ នូវគោលនយោបាយ ស្តីពីរបបដែលត្រូវសងសឹក នៅក្នុងសប្តាហ៍ខាងមុខនេះ។
ក្នុងសន្និសីទកាសែតនៅទីក្រុងតូក្យូ កាលពីថ្ងៃអង្គារលោក Blinken បានលើកឡើងថា ការត្រួតពិនិត្យគោលនយោបាយ ដែលកំពុងបន្តរបស់រដ្ឋបាល លោក បៃដិន ពាក់ព័ន្ធនឹងការវាយតម្លៃនូវ គ្រប់ជំរើសដែលមាន ដើម្បីដោះស្រាយការគំរាមកំហែង របស់កូរ៉េខាងជើង ខណៈដែលរំលឹកឡើងវិញ នូវតម្រូវការ សម្រាប់កិច្ចខិតខំប្រឹងប្រែងសមូហភាព ជាមួយសម្ព័ន្ធមិត្តសហរដ្ឋអាមេរិក រួមទាំងប្រទេសជប៉ុនផងដែរ៕ ដោយ ៖ ឈូក បូរ៉ា
