ប៉េកាំង៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី១៦ ខែមីនា ឆ្នាំ២០២១ថា អាជ្ញាធរសុខាភិបាលជាតិបានឲ្យដឹងនៅថ្ងៃអង្គារនេះថា ប្រទេសចិន បានរាយការណ៍ថា មានករណីថ្មីនៃជំងឺកូវីដ១៩ចំនួន១៣នាក់ គិតត្រឹមថ្ងៃទី១៥ ខែមីនា ដែលបានកើនឡើងលើស០៥ករណីធៀបនឹងមួយថ្ងៃមុន ។
គណៈកម្មាធិការសុខាភិបាលជាតិ បានឲ្យដឹងនៅក្នុងសេចក្តីប្រកាសមួយថា ករណីថ្មីទាំងនេះគឺជាអ្នកនាំចូល ដែលមានប្រភពមកពីបរទេស ។
ចំនួនករនីថ្មីមិនមានបញ្ចេញរោគសញ្ញា ដែលប្រទេសចិន មិនបានចាត់ថ្នាក់ចូលទៅក្នុងករណីឆ្លងជំងឺឡើង ដែលចំនួននេះបានថយចុះ០៧នាក់គិតពី៩ថ្ងៃមុន ។
សរុបចំនួនអ្នកឆ្លងជំងឺកូវីដ១៩នៅក្នុងប្រទេសចិន នាពេលឥឡូវនេះ មានចំនួន៩០.០៦២នាក់ ទន្ទឹមនឹងនេះដែរ ចំនួនអ្នកស្លាប់នៅថេរ គឺ៤.៦៣៦នាក់ ៕ប្រែសម្រួលដោយ៖ ម៉ៅ បុប្ផាមករា
