តូក្យូ ៖ ប្រទេសជប៉ុន បានបញ្ចប់ភាព អាសន្ននៃជំងឺកូវីដ-១៩ នៅពាក់កណ្តាលអធ្រាត្រថ្ងៃអាទិត្យ នៅក្នុងតំបន់ទីប្រជុំជន ទីក្រុងតូក្យូ ដែលជាតំបន់ នៅសល់ចុងក្រោយ នៃប្រទេស ដែលបានស្ថិត នៅក្រោមវិធានការ ចាប់តាំងពីដើមខែមករា ។
ភាពអាសន្នក្នុងទីក្រុងតូក្យូ និងតំបន់ជិតខាងរួមមាន កាណាហ្គាវ៉ា, ឈីបា និងសៃតាម៉ា ត្រូវបានដកចេញពីភាព អាសន្ន ទោះបីជាមានការព្រួយបារម្ភថា ប្រទេសនេះអាចមើលឃើញ នូវការលេចចេញជាថ្មី ដោយសារខ្លួនត្រៀម សម្រាប់ឆ្នាំសិក្សា និងមុខជំនួញក៏ដោយ ។
អាជ្ញាធរមូលដ្ឋាន នឹងបន្តស្នើសុំភោជនីយដ្ឋាន និងរង្គសាល ដើម្បីបិទនៅដើមខែមីនានេះ ស្របពេលដែលជំរុញ ឱ្យមានពេលវេលាមួយ ដែលត្រូវបិទ នៅម៉ោង ៩យប់ ប៉ុន្តែដោយសារតែការស្នើសុំ មិនត្រូវបានចងភ្ជាប់ ដោយស្របច្បាប់នៅខាងក្រៅ ស្ថានភាពអាសន្នវានឹង មិនមានការដាក់ទណ្ឌកម្មណាមួយ សម្រាប់គ្រឹះស្ថាន ដែលមិនគោរពនោះទេ។
រដ្ឋាភិបាលកណ្តាល ដែលនឹងពង្រីកការធ្វើតេស្ត និងការរកឃើញវីរុសនេះ មានគោលបំណងចៀសវាង ស្ថានភាពអាសន្នមួយទៀត តាមរយៈការរីកចម្រើនជាមួយនឹងការចាក់វ៉ាក់សាំង និងពង្រឹងប្រព័ន្ធវេជ្ជសាស្ត្រ ។
នៅក្នុងកម្មវិធីទូរទស្សន៍ NHK កាលពីថ្ងៃអាទិត្យរដ្ឋមន្រ្តីក្រសួងសុខាភិបាល លោក Norihisa Tamura បានឲ្យដឹងថា រដ្ឋាភិបាល ក៏កំពុងពិចារណាផងដែរ ដែល តម្រូវឲ្យអ្នកដំណើរទាំងអស់ឆ្លងកាត់ការធ្វើតេស្តរកមើលមេរោគថ្មី ។ ការត្រួតពិនិត្យព្រំដែនតឹងរ៉ឹង នាពេលបច្ចុប្បន្ននេះ អនុវត្តតែលើប្រទេសចំនួន ២៤ ដែលបានកំណត់កន្លែង ដែលរកឃើញមេរោគឆ្លង ទម្រង់ថ្មីប៉ុណ្ណោះ ។
ការចូលរួមក្នុងព្រឹត្តិការណ៍ទ្រង់ទ្រាយធំ ដូចជាការប្រគំតន្ត្រី និងល្បែងកីឡា ក៏នឹងត្រូវបានបន្ធូរបន្ថយ ជាបណ្តើរៗ បន្ទាប់ពីការលើកពេលអាសន្ន។ ចំនួនត្រូវបានគេកំណត់ នៅពាក់កណ្តាលសមត្ថភាព រហូតដល់ដែនកំណត់ចំនួន ៥,០០០នាក់ ប៉ុន្តែចំនួននេះ នឹងកើនឡើងដល់ ១០,០០០នាក់៕
ដោយ ឈូក បូរ៉ា
