ប្រ៊ុចស៊ែល៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មាន ឲ្យដឹងនៅថ្ងៃទី២៣ ខែមីនា ឆ្នាំ២០២១ថា កិច្ចប្រជុំរដ្ឋមន្រ្តីការបរទេស សហភាពអឺរ៉ុប (EU) នៅទីក្រុងប្រ៊ុចស៊ែលកាលពីថ្ងៃច័ន្ទ បានអនុម័តលើការដាក់ទណ្ឌកម្មលើការរំលោភ បំពាននានានៅក្នុងប្រទេសចិន មីយ៉ាន់ម៉ា និងរុស្ស៊ី ដោយសារតែប្លុកនេះពង្រីកវិធានការណ៍សំដៅទៅលើការរំលោភសិទ្ធិសកល ។
ប្រទេសចំនួន២៧ គ្រោងនឹងដាក់មន្ត្រីចិនចំនួន០៤ រូប និងអង្គភាពរដ្ឋមួយក្នុងបញ្ជីខ្មៅជុំវិញការបង្ក្រាបរបស់ក្រុងប៉េកាំងទៅលើជនជាតិភាគតិចអ៊ូហ្គួរ បន្ទាប់ពីឯកអគ្គរដ្ឋទូតបានតែងតាំងកាលពីសប្តាហ៍មុន ។
សកម្មភាពជានិមិត្តរូបដែលរាយការណ៍ដោយអ្នកការទូតសហភាពអ៊ឺរ៉ុប ហើយរំពឹងថា នឹងត្រូវបានបង្ហាញជាផ្លូវការនៅក្នុងកាសែតផ្លូវការរបស់សហភាពអ៊ឺរ៉ុប នៅថ្ងៃចន្ទ ជាលើកដំបូង ហើយដែលទីក្រុងប្រ៊ុចស៊ែលបានវាយប្រហារក្រុងប៉េកាំង ជុំវិញការរំលោភសិទ្ធិមនុស្សចាប់តាំងពីប្រទេសនេះបានដាក់ទណ្ឌកម្មលើអាវុធនៅក្នុងឆ្នាំ១៩៨៩ បន្ទាប់ពីទីលាន Tiananmen ។
អ្នកការទូតបានលើកឡើងថា វិធានការទាំងនេះគឺជាផ្នែកមួយនៃកញ្ចប់នៃទណ្ឌកម្មសិទ្ធិមនុស្សដែលផ្តោតលើប្រជាជនរាប់សិបនាក់ដែលរួមបញ្ចូលទាំងបុគ្គលនៅក្នុងប្រទេសរុស្ស៊ី កូរ៉េខាងជើង អេរីទ្រា ស៊ូដង់ខាងត្បូង និងលីប៊ី ៕ប្រែសម្រួលដោយ៖ ម៉ៅ បុប្ផាមករា
