បរទេស៖ អាជ្ញាធរថៃបាននិយាយថា ជនភៀសខ្លួនមីយ៉ាន់ម៉ាប្រហែលជា ៥០នាក់ ដែលបានភៀសខ្លួនចេញពី ការវាយប្រហារតាមអាកាស ហើយចូលមកកាន់ខេត្ត Mae Hong Son ក្នុងប្រទេសថៃ គឺបានស្ម័គ្រចិត្តវិលត្រឡប់មកព្រំដែនវិញ បើទោះជាមានរបាយការណ៍នៃ ការទម្លាក់គ្រាប់បែកជាបន្តបន្ទាប់ នៅក្នុងរដ្ឋរបស់ពួកគេក៏ដោយ។
យោងតាមសារព័ត៌មាន Bangkok Post ចេញផ្សាយនៅថ្ងៃទី៣១ ខែមីនា ឆ្នាំ២០២១ បានឱ្យដឹងថា យោធាមីយ៉ាន់ម៉ាបានបើកការ វាយប្រហារតាមអាកាសនៅភាគខាងកើត រដ្ឋការ៉ែន អស់រយៈពេល ៤ ថ្ងៃជាប់ៗគ្នាដែលជាការវាយប្រហារ លើកដំបូងនៅក្នុងតំបន់នេះក្នុងរយៈពេលជាង ២០ឆ្នាំ ដោយបានបង្ខំឲ្យ មនុស្ស ៧.០០០នាក់រត់ចេញពីផ្ទះ។
ការវាយប្រហាររបស់ពួកយោធា បានវាយប្រហារលើទឹកដីដែល កាន់កាប់ដោយសហភាពជាតិការ៉ែន (KNU) ដែលជាក្រុមប្រដាប់អាវុធជនជាតិភាគតិច ដ៏ធំមួយរបស់ប្រទេសភូមា ដែលបានកាន់កាប់មូលដ្ឋានយោធា។
ក្រុមនេះក៏មានការរិះគន់ជា សាធារណៈចំពោះរដ្ឋប្រហារយោធា និងបានផ្តល់ការជ្រកកោនសម្រាប់សកម្មជន ប្រឆាំងរដ្ឋប្រហាររាប់រយនាក់ នៅក្នុងទឹកដីរបស់ពួកគេ ចាប់តាំងពីកម្លាំងសន្តិសុខ បានចាប់ផ្តើមប្រើអាវុធ ដើម្បីបង្ក្រាបការតវ៉ាទូទាំងប្រទេស៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
