តូក្យូ៖ ទីភ្នាក់ងារព័ត៌មានចិនស៊ិនហួ បានចុះផ្សាយ កាលពីរាត្រីថ្ងៃទី២២ ខែមេសា ឆ្នាំ២០២១ថា ប្រព័ន្ធផ្សព្វផ្សាយព័ត័ត៌មាន ក្នុងស្រុកបានរាយការណ៍ កាលពីថ្ងៃព្រហស្បតិ៍ថា ក្រុងតូក្យូ និងខេត្ត ស្ថិតនៅភាគខាងលិច រួមមាន Osaka, Kyoto និង Hyogo របស់ប្រទេសជប៉ុន ទំនងជានឹងប្រកាស ជារដ្ឋស្ថិតក្នុងគ្រាអាសន្ន ចាប់ពីថ្ងៃអាទិត្យ រហូតដល់ថ្ងៃទី១១ ខែឧសភា នឹងគ្របដណ្តប់ក្នុងពេលបុណ្យ ឈប់សម្រាក ហៅថា Golden Week ស្របពេល ដែលករណីឆ្លងជំងឺកូវីដ-១៩កើនឡើង ។
សេចក្តីសម្រេច នឹងត្រូវបានធ្វើឡើងដោយលោក Yoshihide Suga នាយករដ្ឋមន្ត្រីជប៉ុន នៅឯកិច្ចប្រជុំក្រុម អន្តរាគមន៍ទប់ស្កាត់វីរុសកូរ៉ូណា នៅថ្ងៃសុក្រនេះ ដើម្បីទប់ស្កាត់ការឆ្លងរាលដាលវីរុស ដែលត្រូវអនុវត្តន៍នូវវិធានការ ដែលត្រូវធ្វើការប្រកាស អាសន្នជាមុន ។
ដោយផ្អែកលើពិធីបុណ្យ ឈប់សម្រាកនេះដែរ ដែលជាពេលវេលាមួយ គ្រាដែលពលរដ្ឋជប៉ុន ជាច្រើនតែងតែធ្វើដំណើរដោយសេរី ។ លោក Suga បានថ្លែងកាលពីថ្ងៃព្រហស្បតិ៍ថា វិធានការតម្រូវឲ្យចាត់វិធានការដើម្បី “រារាំងការឆ្លងរាលដាលវីរុសគ្រប់គ្នា” ។
ខេត្ត Osaka បាននាំមុខក្រុងតូក្យូ ដែលជាតំបន់ស្ថិតក្នុងចំណុចកណ្តាល នៃការផ្ទុះជំងឺកាលពីពេលថ្មីៗនេះ ត្រូវបានគេរាយការណ៍មកថា មានអ្នកឆ្លងជំងឺថ្មីចំនួន១.១៦៧នាក់ គិតត្រឹមថ្ងៃព្រហស្បតិ៍ បន្ទាប់មក ក្នុងកំណត់ត្រា មានករណី១.២៤២នាក់ ត្រូវបានបញ្ជាក់កាលពីថ្ងៃមុននេះ និងលើសពី១.០០០នាក់ ក្នុងរយៈពេល៣ថ្ងៃជាប់ៗគ្នា ។
លោក Hirofumi Yoshimura អភិបាលេខេត្ត បានលើកឡើងថា ការដាក់រដ្ឋស្ថិតក្នុងគ្រាអាសន្ន គួរតែចាប់ផ្តើមនៅក្នុងសប្តាហ៍នេះ និងដែលមិនអាចបង្អង់យូរបាននោះទេ ៕
ប្រែសម្រួលដោយ៖ ម៉ៅ បុប្ផាមករា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
