បរទេស៖ យោងតាមការចេញផ្សាយ របស់ទូរទស្សន៍ CNN នៅថ្ងៃសុក្រនេះលោកស្រី ជាអ្នកនាំពាក្យរបស់សេតវិមាន Jen Psaki នៅថ្ងៃនេះបានប្រកាសនូវ ដំណឹងគួរឲ្យភ្ញាក់ផ្អើលមួយ
ថាគាត់បានសម្រេចចិត្តរួចរាល់ហើយ ក្នុងការចាកចេញពីតំណែងនេះក្នុងអំឡុងពេល ១ឆ្នាំខាងមុខនេះ។
ថ្លែងទៅកាន់ក្រុមអ្នកព័ត៌មានរបស់ទូរទស្សន៍ CNN លោកស្រី Psaki បាននិយាយថា លោកស្រីបានពិភាក្សានិងផ្តល់ដំណឹង នេះជូនទៅដល់រដ្ឋបាល របស់លោកប្រធានាធិបតី Joe Biden រួចហើយដោយបញ្ជាក់ថា ខ្ញុំគិតថាវាគួរតែដល់ពេលសម្រាប់មនុស្ស ផ្សេងជំនួសការងារនេះវិញ។
គួរឲ្យដឹងដែរថាលោកស្រី Psaki គឺជាបុគ្គលដែលមានជំនាញបំផុត នៅក្នុងកិច្ចការងារទំនាក់ទំនងមួយនេះ ដែលកន្លងមកលោកស្រី ធ្លាប់បម្រើការងារជាអ្នកនាំពាក្យ របស់ក្រសួងការបរទេសចន្លោះពីឆ្នាំ២០១៣ ដល់ឆ្នាំ២០១៥ផង និងជាអនុប្រធានទទួលបន្ទុកកិច្ចការងារ ទំនាក់ទំនងរបស់សេតវិមានផង កាលពីឆ្នាំ២០០៩ ដល់ឆ្នាំ២០១១ ក្រោមអាណត្តិរបស់លោកប្រធានាធិបតី Barack Obama ៕
