ព័ត៌មានអន្តរជាតិ

បណ្តាប្រទេស លោកខាងលិច ប្រើប្រាស់សិទ្ធិមនុស្ស នៅតំបន់ស៊ីនជាំង ជាលេស ដើម្បីទប់នឹងឥទ្ធិពលចិន

ម៉ាឌ្រីត ៖ យោងតាមកាសែត អេស្ប៉ាញ មួយវានចុះផ្សាយថា បណ្តា ប្រទេស លោកខាងលិចមួយចំនួន បានប្រើប្រាស់ បញ្ហាសិទ្ធិមនុស្សនៅតំបន់ស៊ីនជាំង ជាលេសដើម្បីដាក់ទណ្ឌកម្មថ្មី ប្រឆាំងនឹងប្រទេសចិន នេះបើយោង តាមការចុះផ្សាយរបស់ទីភ្នាក់ងារ សារព័ត៌មានចិនស៊ិនហួ។

អត្ថបទដែលចុះផ្សាយ ដោយកាសែតអេស្ប៉ាញ នៅសប្តាហ៍នេះបានឲ្យដឹងថា ការប្រឈមមុខគ្នា រវាងសហរដ្ឋអាមេរិក និងសម្ព័ន្ធមិត្តលោកខាងលិច និងចិន បានផ្លាស់ប្តូរពីបច្ចេកវិទ្យាទៅជា ឧស្សាហកម្មកសិកម្មទៅវិញ ។

អ្វីដែលគេហៅថា បញ្ហាសិទ្ធិមនុស្ស និងការប្រើប្រាស់កម្លាំងពលកម្ម នៅតំបន់ស៊ីនជាំង គឺជាផ្ទាំងបដាថ្មី ដែលជំរុញឱ្យមានទណ្ឌកម្មចុង ក្រោយប្រឆាំងនឹងទីក្រុងប៉េកាំង ដោយសហរដ្ឋអាមេរិកកាណាដា ចក្រភពអង់គ្លេស និងសហភាពអឺរ៉ុប ។

អត្ថបទដដែលបានចុះផ្សាយថា ប្រទេសចិន គឺជាអ្នកនាំចូលកប្បាសសុទ្ធ និងបានផ្តល់នូវ រចនាសម្ព័ន្ធស្មុគស្មាញនៃ ខ្សែសង្វាក់ផ្គត់ផ្គង់ពិភពលោក វាមិនងាយស្រួលនោះទេ ក្នុងការហាមឃាត់កប្បាស ទាំងអស់ពីតំបន់ស៊ីនជាំង ។

កាលពីម្សិលមិញក្រសួង ការបរទេសសហរដ្ឋអាមេរិក បានចោទប្រកាន់រដ្ឋាភិបាលចិន ពីបទដាក់ទោសព្រហ្មទណ្ឌ លើការបញ្ចេញមតិខាងសាសនា និងបង្វែរតំបន់ស៊ីនជាំងទាំងមូល ដែលជាជម្រករបស់ជនជាតិ ភាគតិចអ៊ុយហ្គ័រមូស្លីម ទៅជា“គុកឥតជញ្ជាំង” ។

ក្រសួងនៅថ្ងៃដដែលនោះ បានចេញផ្សាយរបាយការណ៍ ប្រចាំឆ្នាំ ស្តីពីសេរីភាពសាសនា អន្តរជាតិ ដែលបានបង្ហាញពីការព្រួយ បារម្ភរបស់រដ្ឋាភិបាលសហរដ្ឋអាមេរិក លើការបង្ក្រាប ទីក្រុងយូជី និងសមាជិក នៃក្រុមមូស្លីមដទៃទៀត នៅតំបន់ស៊ីនជាំង តាមរយៈការឃុំឃាំងតាមអំពើចិត្ត ដោយបង្ខំកម្លាំង ពលកម្មបង្ខំ ការក្រៀវ និងការរំលោភផ្សេងៗទៀត។

រដ្ឋមន្រ្តីការបរទេសអាមេរិកលោក Antony Blinken បានលើកឡើងថា“ ប្រទេសចិន បានដាក់ទោសព្រហ្មទណ្ឌជាទូទៅលើការ បញ្ចេញមតិខាងសាសនា ហើយនៅតែបន្តប្រព្រឹត្ត ឧក្រិដ្ឋកម្មប្រឆាំង នឹងមនុស្សជាតិ និងអំពើប្រល័យពូជសាសន៍ ប្រឆាំងនឹងជនជាតិម៉ូស្លីម អ៊ុយហ្គ័រ និងសមាជិកក្រុមជនជាតិ ភាគតិចដទៃទៀត” ។

ប្រទេសចិន បានលើកឡើងយ៉ាងទៀងទាត់ថា ជំរំឃុំឃាំងរបស់ខ្លួន គឺជាមជ្ឈ មណ្ឌលបណ្តុះបណ្តាលវិជ្ជាជីវៈ ដែលត្រូវបានបង្កើតឡើង ដើម្បីប្រយុទ្ធប្រឆាំង នឹងភេរវកម្ម និងភាពជ្រុល និយមខាងសាសនា។

ដោយហៅស្ថានការណ៍នេះថា ជារឿង គួរឱ្យខ្លាច លោក Daniel Nadel នៃការិយាល័យសេរីភាព សាសនាអន្តរជាតិ របស់ក្រសួង ការបរទេស បានលើកឡើងថា លោកមើលឃើញការផ្លាស់ប្តូរ ពីការពឹងផ្អែកយ៉ាងខ្លាំង ទៅលើជំរុំសម្រាប់ “ការអប់រំឡើងវិញ” ឬសម្រាប់ការ បង្ខំឲ្យ ធ្វើការ និងគោលបំណងផ្សេងទៀត ៕
ដោយ ឈូក បូរ៉ា

To Top
×