ហ្សាកាតា ៖ ក្រសួងសុខាភិបាលបានឲ្យដឹងថា ករណីដែលបានបញ្ជាក់នៃជំងឺកូវីដ-១៩ នៅក្នុងប្រទេសឥណ្ឌូនេស៊ី បានកើនឡើង ៣,០៨០ ក្នុងរយៈពេល ២៤ ម៉ោងកន្លងមកនេះ ដែលចំនួនសរុបកើនឡើងដល់ ១,៧៣៩,៧៥០ នាក់ដោយចំនួនអ្នកស្លាប់បានកើនឡើង ១២៦នាក់បន្ថែមទៀត និងករណីស្លាប់ទៅ ៤៨,០៩៣ នាក់។
យោងតាមក្រសួងបានឱ្យដឹងថា អ្នកជំងឺចំនួន ៣,៧៩០ នាក់ទៀត ត្រូវបានអនុញ្ញាត ឲ្យចាកចេញពីមន្ទីរពេទ្យ ដោយនាំយកចំនួនសរុប នៃការជាសះស្បើយពីការឆ្លងរាលដាល នៃវីរុសនេះទៅ ១,៦០០,៨៥៧ នាក់។
ជំងឺរាតត្បាតមួយនេះ បានរាលដាលដល់ខេត្តទាំង ៣៤ របស់ប្រទេសឥណ្ឌូនេស៊ី។ ជាក់ស្តែងក្នុងរយៈពេល ២៤ ម៉ោងកន្លងមក មានករណីឆ្លងជំងឺទូទាំងប្រទេសរហូតដល់ជាង ៣ពាន់នាក់ ហើយមានតែខេត្ដចំនួន ៧ប៉ុណ្ណោះ ដែលមានការឆ្លងជំងឺកូវីដ-១៩ នេះធ្ងន់ធ្ងរ។
គួរបញ្ជាក់ថា ប្រទេសដែលមានអ្នកឆ្លងជំងឺកូវីដ-១៩ នៅអាស៊ី បន្ទាប់ពីប្រទេសឥណ្ឌូនេស៊ី គឺប្រទេសហ្វីលីពីន ដែលមានអ្នកឆ្លងជំងឺសរុបជាង ១លាននាក់ផងដែរ ៕
ដោយ ឈូក បូរ៉ា
