អាមេរិក​ ដាក់ទណ្ឌកម្មមន្ត្រី និងអង្គភាពប៉េឡារុស ជុំវិញរឿង ពុករលួយធ្ងន់ធ្ងរ

បរទេស ៖ សហរដ្ឋអាមេរិក នៅថ្ងៃពុធសប្ដាហ៍នេះ បានដាក់ទណ្ឌកម្មនិងចុះបញ្ជី ខ្មៅលើមន្ត្រីនិងអង្គភាព របស់ប្រទេសប៉េឡារុសជាច្រើន ពីបទប្រើប្រាស់អំណាច របស់ខ្លួនសម្រាប់គោល បំណងពុករលួយ នេះបើតាមសម្តី របស់មន្ត្រីសហរដ្ឋអាមេរិក ។

យោងតាមសេចក្តីរាយការណ៍មួយ ដែលចេញផ្សាយ ដោយទីភ្នាក់ងារសារព័ត៌មាន UPI នៅថ្ងៃទី០៣ ខែមិថុនា ឆ្នាំ២០២១ បានឲ្យដឹងថា ទណ្ឌកម្មទាំងនោះ ត្រូវបានប្រកាសឡើងដោយក្រសួង ការបរទេស និងក្រសួងរតនាគារសហរដ្ឋអាមេរិក។

ក្រសួងការបរទេសអាមេរិក បាននិយាយថា លោក Alexander Manolev លោក Petar Haralampievលោក Krasimir Tomov លោក Delyan Slavchev Peevski និងលោក Dimitrov Zhelyazkov គឺមានជាប់ពាក់ព័ន្ធក្នុងញុះញង់បង្កឲ្យមានអំពើពុករលួយ។

គួរបញ្ជាកថា លោក Alexander Manolev គឺជាអតីតអនុរដ្ឋមន្ត្រីសេដ្ឋកិច្ច Petar Haralampievលោក Krasimir Tomov ជាមន្ត្រីក្នុងទីភ្នាក់ងាររដ្ឋ ទទួលបន្ទុកកិច្ចការបរទេសប៉េឡារុស លោក Delyan Slavchev Peevski ជាអតីតសមាជិករដ្ឋសភា ហើយលោក Dimitrov Zhelyazkov គឺជាមន្ត្រីមួយរូប ក្នុងទីភ្នាក់ងារស៊ើបការណ៍ សម្ងាត់ប៉េឡារុស ៕ ប្រែសម្រួល៖ប៉ាង កុង