ហុងកុង៖ ការជំនុំជម្រះក្តីលើកទី ១ ក្រោមច្បាប់សន្តិសុខជាតិថ្មី របស់ហុងកុង ចាប់ផ្តើមនៅថ្ងៃពុធ ដោយគ្មានគណៈវិនិច្ឆ័យ ដែលជាពេលវេលាសំខាន់ សម្រាប់ប្រពៃណីច្បាប់ ដែលមានការផ្លាស់ប្តូរ យ៉ាងឆាប់រហ័សរបស់ មជ្ឈមណ្ឌលហិរញ្ញវត្ថុ ហុងកុង។ នេះបើតាមការផ្សាយ របស់ទីភ្នាក់ងារព័ត៌មានបារាំង អាអេហ្វប៉េ (AFP)។
តុងយីង – គិត (Tong Ying-kit) អាយុ ២៤ ឆ្នាំត្រូវបានចាប់ខ្លួន ក្រោមច្បាប់ថ្មី មួយថ្ងៃ បន្ទាប់ពី វាចូលជាធរមាន នៅពេលដែលយុវជនរូបនេះ បានជិះម៉ូតូរបស់គាត់ចូល ទៅក្នុងក្រុមប៉ូលីស មួយក្រុម អំឡុងពេលធ្វើការតវ៉ា កាលពីថ្ងៃទី ១ ខែកក្កដា ឆ្នាំមុន។
រូបភាពបង្ហាញថា ម៉ូតូរបស់គាត់កំពុងហោះទង់ជាតិ ដែលសរសេរថា «រំដោះហុងកុង, បដិវត្តសម័យកាលរបស់យើង» ជាពាក្យស្លោកតវ៉ា ដ៏ពេញនិយមមួយ តែឥឡូវនេះ ត្រូវបានគេចាត់ទុកថា ខុសច្បាប់នៅក្រោម “ច្បាប់សន្តិសុខ”។
តុង ប្រឈមនឹងការចោទប្រកាន់ពី បទញុះញង់ ឱ្យមានការញុះញង់ និងអំពើភេរវកម្ម ក៏ដូចជាការចោទប្រកាន់ជំនួស នៃការបើកបរប្រកប ដោយគ្រោះថ្នាក់។
តុលាការ បានច្រានចោលការប្តឹងផ្តល់ របស់យុវជនរូបនេះ ដើម្បី ឲ្យ រឿងក្តីរបស់គាត់ ត្រូវបានបើកសវនាការដោយគណៈវិនិច្ឆ័យ ដែលក្រុមមេធាវីរបស់គាត់ បានអះអាងថា ជាសិទ្ធិ ត្រូវបានធានាដោយរដ្ឋធម្មនុញ្ញ ដែលបានផ្តល់ឱ្យគាត់ ប៉ុន្តែថា គាត់ ប្រឈមមុខនឹងការកាត់ទោស មួយជីវិត ប្រសិនបើត្រូវបានផ្តន្ទាទោស ក្រោមច្បាប់ថ្មីនេះមែននោះ។
ការជំនុំជម្រះក្តី ដោយគណៈវិនិច្ឆ័យ គឺជាមូលដ្ឋានគ្រឹះនៃប្រព័ន្ធច្បាប់ទូទៅ ដែលមានអាយុកាល ១៧៦ ឆ្នាំរបស់ហុងកុង ហើយត្រូវបានពិពណ៌នា ដោយប្រព័ន្ធតុលាការ នៅលើគេហទំព័ររបស់ខ្លួនថា ជាមុខងារសំខាន់បំផុតមួយ របស់ប្រព័ន្ធច្បាប់។
ប៉ុន្តែច្បាប់សន្តិសុខជាតិ ដែលត្រូវបានសរសេរ នៅទីក្រុងប៉េកាំង និងត្រូវបានដាក់លើ ទីក្រុងហុងកុងកាលពីឆ្នាំមុន បន្ទាប់ពីការធ្វើបាតុកម្ម លទ្ធិប្រជាធិបតេយ្យ ដ៏ធំនិង ជាញឹកញាប់ដែលអនុញ្ញាត ឱ្យមានការសាកល្បង ដោយចៅក្រមបីរូប ដែលត្រូវបានជ្រើសរើស ពិសេស។
សេចក្តីសម្រេចដំបូងបង្អស់ ដែលត្រូវបានចេញផ្សាយ ដោយទីភ្នាក់ងារសារព័ត៌មាន AFP បានអោយដឹងថា លេខាធិការយុត្តិធម៌ក្រុង បានអំពាវនាវអោយ គ្មានការកាត់សេចក្តីណាមួយ របស់គណៈវិនិច្ឆ័យ សម្រាប់ការសាកល្បងរបស់ យុវជន តុង ដោយអះអាងថា យុត្ថាធិការរបស់តុលាការ អាចត្រូវបានសម្របសម្រួល នៅក្នុងទិដ្ឋភាពនយោបាយ ហុងកុង។
ប្រែសម្រួលដោយៈ សយ សុភា
