រ៉ង់ហ្គូន ៖ មេដឹកនាំភូមា ដែលត្រូវបានទម្លាក់ពីតំណែង លោកស្រីអ៊ុងសាន ស៊ូជី បានបង្ហាញខ្លួន នៅក្នុងតុលាការយោធាម្តងទៀត កាលពីថ្ងៃអង្គារ លើការកាត់ក្តីពីបទបង្ក ការបះបោរ និង រំលោភការរឹតត្បិត ច្បាប់ជំងឺកូវីដ-១៩ ក្នុងពេលបោះឆ្នោត ដែលគណបក្ស ដែលលោកស្រី ត្រូវបានបណ្តេញ ចេញឈ្នះយ៉ាងភ្លូកទឹកភ្លូកដី ។
យោងតាមក្រុមឃ្លាំមើល ក្នុងតំបន់បានឲ្យដឹងថា ការបះបោរទ្រង់ទ្រាយធំមួយ នៅក្នុងប្រទេសមីយ៉ាន់ម៉ា ប្រឆាំងនឹងការប៉ះទង្គិច យោធា កាលពីខែកុម្ភៈ ត្រូវបានជួបជាមួយ នឹងការបង្ក្រាបដ៏សាហាវមួយ ដែលបានសម្លាប់ជនស៊ីវិល ជាង ៨៧០ នាក់ ។
ស្ថិតក្រោមការឃុំខ្លួនក្នុងផ្ទះ និងរារាំងការបង្ហាញ មុខនៅតុលាការមួយក្តាប់តូច លោកស្រីអ៊ុងសាន ស៊ូជី បានរងនូវការចោទ ប្រកាន់ជាច្រើនរួមមានការ ទទួលយកប្រាក់ មាស ដោយខុសច្បាប់ និងការរំលោភបំពាន ច្បាប់សម្ងាត់ នៃសម័យអាណានិគម។
មេធាវីរបស់លោកស្រី បានឲ្យដឹងថា នៅថ្ងៃអង្គារម្សិលមិញនេះតុលាការបានស្តាប់សក្ខីកម្ម របស់លោកស្រី ដែលបានរំលោភលើការ រឹតត្បិតជំងឺកូវីដ -១៩ ក្នុងពេលបោះឆ្នោត កាលពីឆ្នាំមុន ដែលគណបក្សសម្ព័ន្ធជាតិ ដើម្បីលទ្ធិប្រជាធិបតេយ្យ NLD របស់លោកស្រី បានឈ្នះនៅក្នុងការភ្លូក ទឹកភ្លូកដី។
ការប្រជុំសង្ខេបជា មួយក្រុមអ្នកច្បាប់ របស់លោកស្រី គឺជាប៉ុស្តិ៍តែមួយគត់ សម្រាប់ពិភពខាងក្រៅ សម្រាប់លោកស្រីអ៊ុងសាន ស៊ូជី ដែលនៅតែមានប្រជាប្រិយភាព នៅមីយ៉ាន់ម៉ា ចាប់តាំងពីលោកស្រី ត្រូវបានឃុំខ្លួនក្នុង ខែកុម្ភៈ។
មេដឹកនាំរបបយោធា គឺលោកមីង អ៊ុងឡាំង បានបង្ហាញពីភាពត្រឹមត្រូវ នៃការដណ្តើមអំណាចរបស់ខ្លួន ដោយលើកឡើងពីការ លួចបន្លំសន្លឹកឆ្នោត នៅក្នុងការបោះឆ្នោត កាលពីខែវិច្ឆិកា និងបានគំរាមរំលាយគណបក្ស NLD ។
ក្រុម មេធាវីរបស់លោកស្រីអ៊ុងសាន ស៊ូជី បានលើកឡើងថា ពួកគេរំពឹងថា ការជំនុំជម្រះក្តីនឹងបញ្ចប់នៅត្រឹមថ្ងៃទី ២៦ ខែកក្កដា។
ការចោទប្រកាន់ផ្សេងទៀត ប្រឆាំងនឹងលោកស្រី ស៊ូជី រួមមានការអះអាងថា លោកស្រីបានទទួលយក ការបង់ប្រាក់ មាសដោយខុសច្បាប់ និងរំលោភលើច្បាប់សម្ងាត់ សម័យអាណានិគម ។
អាជ្ញាធរបានឲ្យដឹងថា សវនាការបានកើតឡើង នៅពេលដែលទាហានបានប្រយុទ្ធ ជាមួយកងជីវពលប្រឆាំង នឹងរបបយោធាដោយអាវុធ និងគ្រាប់បែកដៃតូចៗ នៅក្នុងទីក្រុងម៉ាន់ដាឡេ កាលពីថ្ងៃអង្គារ ដោយមានបាតុករយ៉ាងតិច ៤ នាក់ និងបុគ្គលិកសន្តិសុខ ពីរនាក់ត្រូវបានសម្លាប់៕
ដោយ ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
