បរទេស ៖ យោងតាមការចេញផ្សាយរបស់កាសែត បរទេស នៅថ្ងៃសៅរ៍នេះបានឲ្យដឹងថា យន្តហោះចម្បាំង ជាច្រើនរបស់ប្រទេសរុស្សីបានចាប់ផ្តើមធ្វើសកម្មភាព អនុវត្តទំលាក់គ្រាប់ពិត ទៅលើនាវាសត្រូវនៅក្នុងសមុទ្រខ្មៅ ។
រុស្សីបានប្រកាសទៀតថា វាគឺជាផ្នែកមួយ នៃសមយុទ្ធជាច្រើន ដែលខ្លួនកំពុងរៀបចំ និងត្រូវបានគេមើលឃើញថា ធ្វើឡើងនៅក្នុងពេលដែលមានការកើនឡើងនៃសមយុទ្ធយោធា របស់ក្រុមអង្គការណាតូ និងបន្ទាប់ពីហេតុការណ៍ប៉ះទង្គិចគ្នាជាមួយនឹងនាវចម្បាំង របស់អង់គ្លេស។
រំលឹកដែរថា កាលពីសប្តាហ៍មុនកងកម្លាំងយោធា របស់ទីក្រុងមូស្គូបានធ្វើការ តាមដេញបាញ់នាវាចម្បាំង របស់អង់គ្លេសក្បែរ តំបន់សមុទ្ររបស់Crimea ដោយអង់គ្លេសឆ្លើយតបថាវា គឺជាសិទ្ធរបស់ខ្លួននៅក្នុងតំបន់ ព្រំដែនអន្តរជាតិប៉ុណ្ណោះ ។
តំបន់ Crimea ត្រូវបានរដ្ឋាភិបាល លោកខាងលិចចោទប្រកាន់ថា បានចូលគ្រប់គ្រងដោយខុសច្បាប់ ចេញពីប្រទេសអ៊ុយក្រែន តាំងតែពីឆ្នាំ២០១៤ ទាំងដែលរុស្សីមិនដែលបានខ្វល់ខ្វាយ ទៅនឹងការចោទប្រកាន់ ទាំងនេះនោះឡើយ ៕
ប្រែសម្រួល៖ស៊ុនលី
