រីយ៉ូ៖ ក្រសួងសុខាភិបាលប្រេស៊ីល បានឲ្យដឹងថាប្រទេសប្រេស៊ីល បានចុះឈ្មោះចំនួនអ្នកស្លាប់ ដោយសារជំងឺកូវីដ-១៩ ចំនួន ១៦០០៥នាក់បន្ថែមទៀត ក្នុងរយៈពេល ២៤ ម៉ោងកន្លងមកដែលបង្កើន ចំនួនអ្នកស្លាប់ជាតិរបស់ខ្លួនដល់ ៥៣៥,៨៣៨ នាក់។
យោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ ដោយដកស្រង់ប្រភពពី ក្រសួងសុខាភិបាលប្រេស៊ីលឲ្យដឹងថា មានករណីឆ្លងថ្មីចំនួន ៤៥,០២២ករណី ត្រូវបានគេរកឃើញដែលបាន នាំយកចំនួនអ្នកឆ្លងសរុបកើនឡើងដល់ ១៩,១៥១,៩៩៣ករណី។
បច្ចុប្បន្នប្រទេសប្រេស៊ីល មានចំនួនអ្នកស្លាប់ដោយសារ ជំងឺរាតត្បាតខ្ពស់លំដាប់ទី ២ នៅលើពិភពលោក បន្ទាប់ពីសហរដ្ឋអាមេរិក និងចំនួនអ្នកឆ្លងជំងឺច្រើនជាងគេទី៣ បន្ទាប់ពីសហរដ្ឋអាមេរិក និងឥណ្ឌា។
ក្រសួងសុខាភិបាលប្រេស៊ីល បានឲ្យដឹងថា ប្រទេសអាមេរិកខាងត្បូងមួយនេះ ដែលកំពុងជួបប្រទះនូវការឆ្លងថ្មីនៃមន្ទីរពេទ្យ ដែលគ្របដណ្ដប់ដោយអ្នកជំងឺ មានអត្រាមរណភាព ២៥៥ នាក់ក្នុងចំណោមប្រជាជន ១០០,០០០ នាក់។
ប្រជាជនសរុបចំនួន ១១៥,៥ លាននាក់នៅក្នុងប្រទេសប្រេស៊ីល បានទទួលវ៉ាក់សាំងការពារជំងឺកូវីដ-១៩ យ៉ាងហោចណាស់មួយដូស ហើយប្រជាជនជាង ៣០,៩ លាននាក់ បានទទួលថ្នាំបង្ការជំងឺពេញលេញ ៕
ដោយ ឈូក បូរ៉ា
