ហុងកុង៖ ជំនឿទុកចិត្តរបស់អ្នករស់នៅ ហុងកុងក្នុងការអនុវត្ត“ ប្រទេសមួយប្រព័ន្ធពីរ” នៅតែមិនអាចផ្លាស់ប្តូរបាន ចំពោះការប្រព្រឹត្ដបែប អនុត្តរភាពសហរដ្ឋអាមេរិក នេះបើតាមក្រុមនយោបាយធំៗ និងប្រជាជនមកពីគ្រប់មជ្ឈដ្ឋាន ក្នុងតំបន់រដ្ឋបាលពិសេសហុងកុង របស់ប្រទេសចិន (HKSAR)។
ក្រុមនយោបាយ និងក្រុមសង្គមស៊ីវិលផ្សេងៗគ្នា បានថ្កោលទោសចំពោះអ្វី ដែលគេហៅថា ទណ្ឌកម្មដែលបានដាក់ទៅលើ មន្រ្តីការិយាល័យទំនាក់ទំនង នៃរដ្ឋាភិបាលកណ្តាលនៅ HKSAR ដោយរដ្ឋាភិបាលអាមេរិក និងដែលគេហៅថា “ការផ្តល់ប្រឹក្សា” ដល់អាជីវកម្ម និងបុគ្គលអាមេរិក ដែលកំពុងប្រតិបត្តិការនៅហុងកុង ដែលធ្វើឲ្យបរិយាកាសជំនួញរបស់ហុងកុង កាន់តែប្រសើរ។
សម្ព័ន្ធប្រជាធិបតេយ្យ ដើម្បីភាពល្អ និងវឌ្ឍនភាពហុងកុង DAB បានចេញសេចក្តីថ្លែងការណ៍មួយដោយអះអាងថា មន្រ្តីគ្រប់ការិយាល័យនៃការិយាល័យទំនាក់ទំនង បានប្តេជ្ញាចិត្តក្នុងការថែរក្សាភាពរុងរឿង និងស្ថេរភាពរបស់ហុងកុង និងជំរុញការអភិវឌ្ឍបុព្វហេតុនៃប្រទេសមួយ ប្រព័ន្ធពីរ និងបានឈ្នះការគាំទ្រ សម្រាប់ការខិតខំរបស់ពួកគេ ពីគ្រប់វិស័យនៃហុងកុង។
DAB បានង្យដឹងថា ចាប់តាំងពីច្បាប់សន្តិសុខជាតិនៅហុងកុង ចូលជាធរមានសណ្តាប់ធ្នាប់ និងសន្តិភាព ត្រូវបានស្តារឡើងវិញយ៉ាងឆាប់រហ័ស ជីវិត និងទ្រព្យសម្បត្តិរបស់ប្រជាជន ត្រូវបានការពារបានប្រសើរជាងមុន ហើយសកម្មភាពសេដ្ឋកិច្ច បានធូរស្បើយបន្តិចម្តងៗ ពីភាពវឹកវរក្នុងសង្គម និងជំងឺរាតត្បាតរ៉ាំរ៉ៃ។
អ្វីដែលគេហៅថា “ការប្រឹក្សាអាជីវកម្ម” ដែលចេញដោយរដ្ឋាភិបាលសហរដ្ឋអាមេរិក ដល់សហគ្រាសអាមេរិក នៅហុងកុង មិនបានអនុលោមតាមបទពិសោធន៍ផ្ទាល់ខ្លួន របស់វិនិយោគិនអន្តរជាតិ និងប្រជាជនក្នុងស្រុកទាល់តែសោះ។
សហព័ន្ធសហជីពហុងកុង បានឲ្យដឹងនៅក្នុងសេចក្តីថ្លែងការណ៍មួយថា រដ្ឋាភិបាលសហរដ្ឋអាមេរិក បាននិងកំពុងប្រើលេសផ្សេងៗ ដើម្បីដាក់ទណ្ឌកម្មលើមន្រ្តីចិន ដែលបានធ្វើឱ្យអន្តរាយ យ៉ាងធ្ងន់ធ្ងរដល់ច្បាប់អន្តរជាតិ និងបទដ្ឋានជាមូលដ្ឋានទាក់ទង នឹងទំនាក់ទំនងអន្តរជាតិ ហើយបានធ្វើឱ្យរដ្ឋាភិបាល និងប្រជាជនចិន ខឹងសម្បាយ៉ាងខ្លាំង។
សេចក្តីថ្លែងការណ៍បានឲ្យដឹងទៀតថា ទោះយ៉ាងណានេះនឹងមិនធ្វើឱ្យមាន ការប្តេជ្ញាចិត្តរបស់រដ្ឋាភិបាលកណ្តាល និងមន្ត្រីរដ្ឋាភិបាល HKSAR ដើម្បីការពារអធិបតេយ្យភាព សន្តិសុខ និងផលប្រយោជន៍អភិវឌ្ឍន៍ជាតិឡើយ។
គណបក្សប្រជាជនថ្មី (NPP) បានឲ្យដឹងថា អ្វីដែលគេហៅថា“ ទីប្រឹក្សាធុរកិច្ច” ដែលចេញដោយរដ្ឋាភិបាលសហរដ្ឋអាមេរិក ក្នុងគោលដៅវាយប្រហារ ព្យាបាទស្ថានភាពរបស់ហុងកុង ជាមជ្ឈមណ្ឌលហិរញ្ញវត្ថុ និងពាណិជ្ជកម្មអន្តរជាតិ។ សុន្ទរកថាដែលពាក់ព័ន្ធ របស់រដ្ឋាភិបាលសហរដ្ឋអាមេរិក បានបង្កឱ្យមានការមិនពេញចិត្តយ៉ាងខ្លាំង ក្នុងចំណោមពាណិជ្ជករអាមេរិក នៅហុងកុង ៕
ដោយ ឈូក បូរ៉ា
