សិង្ហបុរី៖ ប្រទេសសិង្ហបុរីបានរាយការណ៍ ពីករណីថ្មីនៃជំងឺកូវីដ-១៩ ចំនួន ២,៤៧៨ ករណី ដោយបានឡើង ដល់កម្រិតខ្ពស់បំផុតថ្មី និងធ្វើឱ្យចំនួនអ្នកឆ្លងសរុប នៅក្នុងប្រទេសនេះកើនឡើងដល់ ៩៦,៥២១ ករណី។
ក្រសួងសុខាភិបាលបានឲ្យដឹង នៅក្នុងសេចក្តីថ្លែងការណ៍មួយថា ករណីថ្មីចំនួន ២,០២២ ករណីស្ថិតនៅក្នុងសហគមន៍ ៤៥២ករណី ស្ថិតនៅក្នុងអន្តេវាសិកដ្ឋាន ចំណាកស្រុកនិង ៤ ករណី ត្រូវបាននាំចូល។
ក្រសួងសុខាភិបាលបានឲ្យដឹងថា ករណីសរុបចំនួន ១,៣៦០ ករណីបច្ចុប្បន្នត្រូវបានគេដាក់ នៅក្នុងមន្ទីរពេទ្យដោយមានករណីធ្ងន់ធ្ងរ ចំនួន ២០៤ ករណី ដែលត្រូវការការបន្ថែមអុកស៊ីសែននិង ៣៤ នាក់ស្ថិតក្នុងស្ថានភាពធ្ងន់ធ្ងរ នៅក្នុងអង្គភាពថែទាំបន្ទាន់។
ក្រសួងបានឲ្យដឹងថា អ្នកជំងឺពីរនាក់ទៀតបានស្លាប់ ដោយសារផលវិបាក ដោយសារការឆ្លងមេរោគកូវីដ-១៩ ដែលធ្វើឱ្យចំនួនអ្នកស្លាប់ កើនឡើងដល់ ៩៥ នាក់។
ប្រជាជនក្នុងស្រុករបស់ប្រទេសសិង្ហបុរីចំនួន ៨២ ភាគរយត្រូវបានចាក់វ៉ាក់សាំង ពេញលេញហើយ ៨៥ ភាគរយបានទទួលយ៉ាងហោចណាស់ មួយដូស នេះបើយោងតាមក្រសួងសុខាភិបាល៕ ដោយ ឈូក បូរ៉ា
