បរទេស៖ យន្តហោះ Beriev A-50U ដែលជាកំណែទំនើបកម្ម យ៉ាងស៊ីជម្រៅនៃយន្តហោះ ឈ្លបយកការណ៍ A-50 “រ៉ាដាហោះ” របស់រុស្ស៊ី នឹងដើរតួនាទីយ៉ាងសំខាន់ ក្នុងការធានាប្រសិទ្ធភាព នៃសមត្ថភាពស៊ើបការណ៍ យោធារបស់រុស្ស៊ីនៅលើសមរភូមិ។ នេះបើតាមអ្នករួមចំណែក ផលប្រយោជន៍ជាតិ Mark Episkopos ដែលបានបង្ហាញការជឿជាក់។
យោងតាមសារព័ត៌មាន Sputnik ចេញផ្សាយនៅថ្ងៃទី០៧ ខែវិច្ឆិកា ឆ្នាំ២០២១ បានឱ្យដឹងថា នៅក្នុងអត្ថបទថ្មីៗសម្រាប់ គេហទំព័ររបស់ទស្សនាវដ្ដី Episkopos បានរាយបញ្ជីលក្ខណៈ ពិសេសសំខាន់ៗរបស់ A-50U ដូចជាសមត្ថភាពរបស់វាក្នុងការតាមដានគោលដៅលើដី នៅចម្ងាយរហូតដល់ 300 គីឡូម៉ែត្រ និងគោលដៅពីលើអាកាសរហូតដល់ 650 គីឡូម៉ែត្រពីចម្ងាយ ដោយសារតែ Shmel-M ប្រព័ន្ធតាមដានរ៉ាដាបង្វិល ដែលមានរាងដូចផ្សិត នៅលើយន្តហោះ ។ រ៉ាដាថ្មីនេះក៏មានរយៈចម្ងាយ ចាប់បាញ់កាំជ្រួចដល់ទៅ ១ ០០០ គីឡូម៉ែត្រ។
ប្រព័ន្ធនេះអាចតាមដាន គោលដៅនៅលើដីប្រហែល 300 ឬគោលដៅអាកាសចំនួន 40 ក្នុងពេលដំណាលគ្នា។ A-50U ក៏មានលក្ខណៈពិសេសនៃ ការហោះហើរដែលប្រសើរឡើងពី 15 ទៅ 20 ភាគរយលើសពីយន្តហោះមុនៗ ដោយសារទំហំ និងទម្ងន់នៃឧបករណ៍វិទ្យុអេឡិចត្រូនិក នៅលើយន្តហោះ និងការថយចុះនៃបន្ទុក ម៉ាស៊ីនជាបន្តបន្ទាប់។
A-50U គឺជាការធ្វើឱ្យប្រសើរឡើង ដល់យន្តហោះ A-50 ដែលជាយន្តហោះព្រមាន និងគ្រប់គ្រងលើអាកាស សម័យសូវៀត ដែលបានចូលបម្រើសេវាកម្ម ជាលើកដំបូងនៅចុងទសវត្សរ៍ឆ្នាំ 1980 ។ យន្តហោះនេះត្រូវបានបង្កើតឡើង នៅលើមូលដ្ឋាននៃការ ដឹកជញ្ជូនយោធា Il-76MD ដែលជាយន្តហោះយុទ្ធសាស្រ្តម៉ាស៊ីន៤ ពហុគោលបំណង ដែលត្រូវបានរចនាឡើង ដោយការិយាល័យរចនា Ilyushin ៕
ប្រែសម្រួលៈ ណៃ តុលា
