បរទេស ៖ ប្រទេសអ៊ុយក្រែន បានប្រកាសនៅថ្ងៃសៅរ៍ម្សិលមិញនេះថា ខ្លួននឹងពន្លឿនដំណើរការ សាងសង់មូលដ្ឋានទ័ពជើងទឹក មួយកន្លែង នៅកំពង់ផែនៃទីក្រុង Berdyans រារាំងការប៉ុនប៉ង របស់ទីក្រុងមូស្គូ ជ្រៀតចូលមកគ្រប់គ្រងសមុទ្រ តាមរយៈតំបន់គ្រីមា ដែលជាឧបសម្ព័ន្ធ របស់រុស្ស៊ី ។
រដ្ឋមន្ត្រីការពារជាតិ ទើបកាន់តំណែងថ្មីៗ របស់ប្រទេសអ៊ុយក្រែន បានប្រកាសគម្រោងនេះនៅក្នុងសប្ដាហ៍នេះ ក្រោយធ្វើដំណើរ ទៅកាន់កំពង់ផែ Berdyans’k បន្ទាប់ពីបណ្ដាប្រទេស លោកខាងលិចធ្វើការព្រមាន ពីចលនាកងទ័ព និងភាពអាចមានការវាយប្រហារ របស់ប្រទេសរុស្ស៊ី នៅជិតព្រំដែន របស់ប្រទេសអ៊ុយក្រែន ។
ចំណែកប្រទេសរុស្ស៊ី បានច្រានចោលការព្រមាននោះ ដែលលើកឡើងថា ទីក្រុងមូស្គូអាចនឹងកំពុងពិចារណា ធ្វើការវាយប្រហារមួយ និងបានចោទប្រកាន់ ទីក្រុងវ៉ាស៊ីនតោន ពីបទមានទង្វើវាយលុ កនៅក្នុងដែនសមុទ្រខ្មៅ ជាទីដែលប្រទេសអ៊ុយក្រែន និងសហរដ្ឋអាមេរិក ធ្វើសមយុទ្ធយោធារួមគ្នា កាលពីថ្ងៃសៅរ៍ ។
លោករដ្ឋមន្ត្រីការពារជាតិ អ៊ុយក្រែន Olexy Reznikov បានមានប្រសាសន៍ថា វាសំខាន់ខ្លាំងណាស់ សម្រាប់ប្រទេស អ៊ុយក្រែន ដើម្បីធ្វើការពង្រឹង កងទ័ពជើងទឹក របស់ខ្លួន ហើយសេចក្តីណែនាំដែលត្រូវគ្នា នឹងត្រូវបានផ្តល់ឲ្យដើម្បីពន្លឿន ដំណើរការសាងសង់មូលដ្ឋានទ័ពជើងទឹក៕
ប្រែសម្រួល៖ប៉ាង កុង
