អ្នកទោសនៅថៃ ៣២ ០០០នាក់ នឹងត្រូវដោះលែង និងបន្ធូរបន្ថយទោស នៅក្នុងព្រះរាជពិធីបុណ្យ ចម្រើនព្រះជន្ម ព្រះមហាក្សត្រ

បរទេស៖ អ្នកទោសដែលមានសិទ្ធិ នឹងត្រូវបានដោះលែង ខណៈពេលដែលអ្នកផ្សេងទៀត នឹងត្រូវកាត់បន្ថយទោសជាប់ពន្ធនាគារ បន្ទាប់ពីមានការលើកលែងទោស ពីព្រះមហាក្សត្រ ដើម្បីប្រារព្ធព្រះរាជពិធីបុណ្យ ចម្រើនព្រះជន្ម របស់ព្រះមហាក្សត្រ Bhumibol Adulyadej The Great នៅថ្ងៃអាទិត្យ។ នេះបើយោងតាមការចេញផ្សាយ របស់កាសែត Royal Gazette។

យោងតាមសារព័ត៌មាន Bangkok Post ចេញផ្សាយនៅថ្ងៃទី៦ ខែធ្នូ ឆ្នាំ២០២១ បានឱ្យដឹងថា អគ្គនាយកនាយកដ្ឋានកែប្រែ (DoC) លោក Aryut Sinthopphan បាននិយាយថា អ្នកទោសប្រហែល ៣២ ០០០នាក់ នឹងត្រូវបានដោះលែង ដែលក្នុងនោះ ២២ ០០០នាក់ នឹងត្រូវដោះលែងជាបន្ទាន់ ខណៈអ្នកទោសប្រមាណ ៩ ១០០នាក់ផ្សេងទៀត នឹងមើលឃើញថា ការជាប់ពន្ធនាគាររបស់ពួកគេ ត្រូវបានកាត់បន្ថយដល់ចំណុចមួយ ដែលអាចត្រូវបានពិចារណា។

ប្រធាននាយកដ្ឋានរូបនេះ បាននិយាយថា សរុបអ្នកទោសចំនួន ១៣៨ ១៧៥ នាក់ នឹងទទួលបានអត្ថប្រយោជន៍ ពីការកាត់បន្ថយទោសដាក់ពន្ធនាគារ ក្រោមការលើកលែងទោសនេះ បន្ទាប់ពីការលើកលែងទោស ដើម្បីប្រារព្ធពិធីបុណ្យចម្រើនព្រះជន្ម ត្រូវបានប្រកាសនៅក្នុង Royal Gazette កាលពីម្សិលមិញ។

យោងតាមនាយកដ្ឋាននេះ អ្នកទោសចំនួន ២២៤ ៦៧៤នាក់ ក្នុងចំណោមអ្នកទោស ចំនួន ២៨២ ៦២០ នាក់ នៅក្នុងមន្ទីរឃុំឃាំង ត្រូវបានកាត់ទោសរួចរាល់ហើយ ពីបទល្មើសរបស់ពួកគេ៕ ប្រែសម្រួលៈ ណៃ តុលា