បរទេស៖ ប្រព័ន្ធផ្សព្វផ្សាយរដ្ឋរបស់ចិនបានព្រមានក្រុងវ៉ាស៊ីនតោនថា ទីក្រុងប៉េកាំងនឹងមិនស្ទាក់ស្ទើរ ក្នុងការវាយប្រហារកងកម្លាំងអាមេរិកនោះទេ ប្រសិនបើពួកគេព្យាយាម រារាំងការបង្រួបបង្រួម របស់ចិនជាមួយកោះតៃវ៉ាន់ ដូចដែលបានសន្យាកាលពីពេលថ្មីៗនេះដោយមន្ត្រីកំពូលអាមេរិក។
យោងតាមសារព័ត៌មាន RT ចេញផ្សាយនៅថ្ងៃទី១២ ខែធ្នូ ឆ្នាំ២០២១ បានឱ្យដឹងថា កាសែត The Global Times បានលើកយកសេចក្តីថ្លែងការណ៍របស់ទីប្រឹក្សាសន្តិសុខជាតិលោក Jake Sullivan កាលពីថ្ងៃអង្គារ ដែលក្នុងនោះលោកបាននិយាយថា សហរដ្ឋអាមេរិកនឹងចាត់វិធានការគ្រប់បែបយ៉ាងដែលអាចអនុវត្តបាន ទាំងពីទស្សនៈនៃការរារាំង និងការទូត ដើម្បីការពារសេណារីយ៉ូ ដែលកើតឡើងថាចិន កាន់កាប់កោះតៃវ៉ាន់ ដោយយោធា។ សារនេះត្រូវបានបន្លឺឡើង នៅថ្ងៃដដែលដោយរដ្ឋមន្រ្តីការបរទេស អាមេរិក លោក Antony Blinken ដែលបានព្រមានប្រទេសចិនថា សេណារីយ៉ូ យោធាទល់នឹងកោះតៃវ៉ាន់ នឹងក្លាយជា “កំហុសដ៏ធ្ងន់ធ្ងរ” ។
ទោះជាយ៉ាងណាក៏ដោយ សារព័ត៌មានរបស់ចិនបានសន្មតថា ការធានារបស់រដ្ឋ មិនគួរត្រូវបានបកស្រាយថាជា “ការបង្ហាញនៃគោលនយោបាយរបស់សហរដ្ឋអាមេរិក” ដោយសារតែ “សហរដ្ឋអាមេរិកមិនអាចបង្កើតការរារាំងដើម្បីរារាំងចិនដីគោក ពីការអនុវត្តការបង្រួបបង្រួមឡើងវិញដោយកម្លាំងនៅពេលចាំបាច់ឡើយ” ។ The Global Times បន្តអះអាងថា ទីក្រុងវ៉ាស៊ីនតោនពិតជាមិនមាន “ឆន្ទៈក្នុងការការពារតៃវ៉ាន់គ្រប់ការចំណាយទាំងអស់នោះទេ”។
អត្ថបទនេះបានលើកឡើងអំពីអ្នកបង្កជម្លោះដែលវានិយាយថា “គួរឱ្យទុកចិត្ត” ដែលថា ទាហានអាមេរិក ប្រសិនបើពួកគេមកជួយសង្គ្រោះកោះតៃវ៉ាន់ នោះវានឹងត្រូវរងការ “វាយប្រហារយ៉ាងខ្លាំង” ដោយកងទ័ពរំដោះប្រជាជន ប្រសិនបើ “ការបង្រួបបង្រួមដោយកម្លាំង” កើតឡើង។ កាសែត Global Times ព្យាករណ៍ថា រដ្ឋ ទំនងជានឹង “រំលឹកឡើងវិញ” នូវសេចក្តីថ្លែងការណ៍នៅពេលក្រោយ ចាប់តាំងពី “សហរដ្ឋអាមេរិកមិនអាចមានលទ្ធភាព” ដើម្បីការពារកោះតៃវ៉ាន់ “ដោយការចំណាយនៃសង្រ្គាមដ៏សាហាវ” ៕
ប្រែសម្រួលៈ ណៃ តុលា
