បរទេស៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មាន ឲ្យដឹងនៅថ្ងៃទី២៦ ខែធ្នូ ឆ្នាំ២០២១ថា James Webb របស់អង្គការ NASA បានសាងសង់កែវយឺតឡើង ដើម្បីផ្តល់ឱ្យពិភពលោកនូវទិដ្ឋភាពភ្លឺ នៃសកលលោក ដូចដែលកាឡាក់ស៊ី ជាលើកដំបូងបានបង្កើតឡើង ត្រូវបានបាញ់បង្ហោះ ដោយគ្រាប់រ៉ុក្កែត កាលពីព្រឹកថ្ងៃសៅរ៍ ពីឆ្នេរសមុទ្រភាគឦសាន របស់អាមេរិកខាងត្បូង ដែលជាការបើកសករាជថ្មី នៃវិស័យតារាសាស្ត្រ ។
កែវយឺតអ៊ីនហ្វ្រារ៉េដ ដែលបានបង្កើតឡើងមាន តម្លៃ៩ពាន់លានដុល្លារ ដែលត្រូវបានពិពណ៌នា ដោយអង្គការ NASA ថា ជាកន្លែងសង្កេតការណ៍ដំបូងបង្អស់ នៃវិស័យវិទ្យាសាស្ត្រ នៃទស្សវត្សរ៍ក្រោយនេះ ត្រូវបានគេស្ទូចឡើង នៅខាងក្នុងច្រកដាក់ទំនិញ នៃគ្រាប់រ៉ុក្កែត Ariane 5 ដែលបានបាញ់បង្ហោះ នៅម៉ោងប្រហែល៧និង២០នាទីព្រឹក ត្រូវនឹងម៉ោង១២និង២០នាទី ពីមូលដ្ឋានបាញ់បង្ហោះរបស់ទីភ្នាក់ងារអវកាសអឺរ៉ុប ហៅកាត់(ESA) នៅ French Guiana ។
ការបាញ់បង្ហោះ ចំថ្ងៃបុណ្យណូអែល ដោយគ្មានកំហុស ជាមួយនឹងការរាប់ថយក្រោយ ធ្វើឡើងជាភាសាបារាំង ត្រូវបានអនុវត្តនៅលើ បណ្តាញទូរទស្សន៍ NASA-ESA រួមគ្នា។
អ្នកអត្ថាធិប្បាយ របស់អង្គការ NASA បានលើកឡើងថា “ពីព្រៃត្រូពិចរហូតដល់ចុងនៃពេលវេលារបស់វា James Webb ចាប់ផ្តើមការធ្វើដំណើរត្រឡប់ ទៅកំណើតនៃចក្រវាឡ” ខណៈដែលយានបាញ់បង្ហោះ២ ដំណាក់កាលដែលបំពាក់ ដោយឧបករណ៍ ជំរុញគ្រាប់រ៉ុក្កែត២ បានរំពងសំឡេង លាន់ឡើង ដោយបានបើកបន្ទះបុកចូលទៅក្នុងមេឃ ។
អ្នកត្រួតពិនិត្យ ជើងហោះហើរ បានបញ្ជាក់មួយសន្ទុះ ក្រោយមក នៅគ្រាដែលថាមពលពន្លឺព្រះអាទិត្យរបស់ Webb ត្រូវបាន បញ្ចេញពន្លឺ ថាជាការផ្គត់ផ្គង់ថាមពល របស់កែវយឺត ដែលកំពុងដំណើរការ ៕
ដោយ៖ ម៉ៅ បុប្ផាមករា
