ប៉េកាំង៖ បេសកជនជាន់ខ្ពស់ចិន បានអំពាវនាវឱ្យពង្រីកការយល់ស្រប ដោះស្រាយការខ្វែងគំនិតឱ្យបានត្រឹមត្រូវ និងរួមគ្នាលើកកម្ពស់របកគំហើញថ្មីនៅក្នុងជុំទីប្រាំបីនៃកិច្ចចរចានុយក្លេអ៊ែរអ៊ីរ៉ង់ ដែលបានបនកាលពីថ្ងៃចន្ទ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Wang Qun បេសកជនចិនប្រចាំអង្គការសហប្រជាជាតិ និងអង្គការអន្តរជាតិផ្សេងទៀតនៅទីក្រុងវីយែន បានលើកឡើងថា “ចំពោះបញ្ហានុយក្លេអ៊ែរអ៊ីរ៉ង់ និងបញ្ហាមិនរីកសាយភាយនុយក្លេអ៊ែរដែលពាក់ព័ន្ធ ភាពជាក់ស្តែង” និងស្តង់ដារទ្វេរដង មិនគួរត្រូវបានអនុម័ត ដើម្បីស្វែងរកផលប្រយោជន៍ផ្ទាល់ខ្លួននោះទេ។
ទីភ្នាក់ងារថាមពលបរមាណូអន្តរជាតិ បានសម្តែងការព្រួយបារម្ភ ចំពោះកិច្ចព្រមព្រៀងមួយក្នុងចំណោមប្រទេសអូស្ត្រាលី អង់គ្លេស និងសហរដ្ឋអាមេរិក (AUKUS) ដែលទីក្រុងវ៉ាស៊ីនតោន និងទីក្រុងឡុងដ៍ នឹងគាំទ្រទីក្រុងកង់បេរ៉ា ក្នុងការសាងសង់នាវាមុជទឹកដើរដោយថាមពលនុយក្លេអ៊ែរ ដែលជាការកត់សម្គាល់ជាលើកដំបូង សម្រាប់រដ្ឋគ្មានអាវុធនុយក្លេអ៊ែរដែលទទួលបាននាវាមុជទឹកដើរដោយថាមពលនុយក្លេអ៊ែរ។
លោកបានកត់សម្គាល់ថា “ទណ្ឌកម្មក៏មិនគួរត្រូវបានប្រើសម្រាប់ការគំរាមកំហែងដោយចៃដន្យដែរ ហើយទណ្ឌកម្មថ្មី មិនគួរត្រូវបានណែនាំប្រឆាំងនឹងអ៊ីរ៉ង់ ក្នុងអំឡុងពេលការចរចានោះទេ” ។
រដ្ឋបាលលោក ចូ បៃដិន បានដាក់ទណ្ឌកម្មថ្មីលើភ្នាក់ងាររដ្ឋាភិបាលអ៊ីរ៉ង់ពីររូប និងមន្ត្រីមួយចំនួនកាលពីថ្ងៃទី០៧ ខែធ្នូ នៅខាងក្រៅកិច្ចចរចាចុងក្រោយ ដែលមានគោលបំណងនាំសហរដ្ឋអាមេរិកត្រលប់ទៅកិច្ចព្រមព្រៀងនុយក្លេអ៊ែរអ៊ីរ៉ង់វិញ។
លោក Wang បានបន្ដថា ភាគីនានាចាប់ផ្តើមការចរចាលើកទី៨ ឡើងវិញក្នុងអំឡុងពេលបុណ្យណូអែល និងបុណ្យចូលឆ្នាំថ្មី ហើយនេះឆ្លុះបញ្ចាំងយ៉ាងពេញលេញនូវអារម្មណ៍នៃភាពបន្ទាន់ សម្រាប់ភាគីទាំងអស់ ដើម្បីបន្តការចរចាឡើងវិញ។
គួរបញ្ជាក់ថា ចាប់តាំងពីដើមខែមេសាឆ្នាំនេះ តំណាងមកពីប្រទេសចិន បារាំង អាល្លឺម៉ង់ រុស្ស៊ី អង់គ្លេស និងអ៊ីរ៉ង់ បានធ្វើការចរចាចំនួន ៧លើកនៅក្នុងរដ្ឋធានីប្រទេសអូទ្រីស ដោយមានសហរដ្ឋអាមេរិកពាក់ព័ន្ធដោយប្រយោល៕ដោយ ឈូក បូរ៉ា
