បរទេស ៖ វេជ្ជបណ្ឌិត Anthony Fauci ដែលបានក្លាយជាអ្នកនាំពាក្យ សុខភាពសាធារណៈ របស់សហរដ្ឋអាមេរិក ក្នុងអំឡុងពេល ជំងឺរាតត្បាត ដែលបានផ្ទុះឡើងជិត ពីរឆ្នាំមុននោះ និងមានអាជីព នៅក្នុងរដ្ឋាភិបាល សហព័ន្ធអស់ រយៈពេលជាង ៥០ ឆ្នាំហើយបានដឹកនាំ សកម្មភាពរដ្ឋាភិបាល ជាច្រើនក្នុងរយៈពេលជាច្រើនឆ្នាំរួមទាំងការ ប្រយុទ្ធប្រឆាំងនឹង ការរីករាលដាល នៃមេរោគអេដស៍នៅទសវត្សរ៍ឆ្នាំ ១៩៨០ ។
យោងតាមសារព័ត៌មាន Sputnik ចេញផ្សាយនៅថ្ងៃទី៣០ ខែធ្នូ ឆ្នាំ២០២១ បានឱ្យដឹងថា អ្នកវិភាគ នៅទស្សនាវត្តី Forbes បានប៉ាន់ប្រមាណថា ប្រសិនបើលោកវេជ្ជបណ្ឌិត Anthony Fauci លាលែងពីតំណែង ជាប្រធានវិទ្យាស្ថានជាតិ អាឡែរហ្សី និងជំងឺឆ្លង នោះគាត់នឹងមាន សិទ្ធិទទួលបានកញ្ចប់ថវិកា សោធននិវត្តន៍ របស់សហព័ន្ធខ្ពស់បំផុតក្នុងប្រវត្តិសាស្ត្រអាមេរិក ។
យោងតាមរបាយការណ៍ ដោយផ្អែកលើសវនកម្មនៅ OpenTheBooks.com អាជីពដ៏វែងមួយមានលក្ខណៈសម្បត្តិគ្រប់គ្រាន់ របស់លោកវេជ្ជបណ្ឌិត Fauci សម្រាប់ការទទួលបានប្រាក់ ចូលនិវត្តន៍ប្រចាំឆ្នាំលើសពី ៣៥០ ០០០ដុល្លារ ដែលនឹងកើនឡើង ជាមួយនឹងការកែតម្រូវប្រចាំឆ្នាំ។
នេះត្រួតលើការពិតដែលថា អ្នកជំនាញជំងឺឆ្លងកំពូល អាយុ ៨១ឆ្នាំរូបនេះ បច្ចុប្បន្នគឺជាបុគ្គលិកសហព័ន្ធ ដែលមានប្រាក់ខែខ្ពស់បំផុត សម្រាប់ឆ្នាំទី ២ ជាប់ៗគ្នាដោយទទួលបាន ប្រាក់ចំណូលលើសពីប្រធានាធិបតី ឧត្តមសេនីយ៍ផ្កាយបួន និងអភិជនជិត ៤,៣លាននាក់ ទៅទៀត។ លោក Fauci បានទទួល ៤៣៤ ៣១២ដុល្លារ ជាប្រធានវិទ្យាស្ថានជាតិ នៃអាឡែរហ្សីនិងជំងឺឆ្លង (NIAID) ក្នុងឆ្នាំ២០២០ កើនឡើងពី ៤១៧ ៦០៨ដុល្លារ កាលពីឆ្នាំមុន៕
ប្រែសម្រួលៈ ណៃ តុលា
