តៃប៉ិ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី៣ ខែមករា ឆ្នាំ២០២២ថា ការិយាល័យអាកាសធាតុបានឲ្យដឹងថា គ្រោះរញ្ជួយដីដ៏ខ្លាំងមួយ បានវាយប្រហារនៅឆ្នេរសមុទ្រ ភាគខាងកើតនៃកោះតៃវ៉ាន់ កាលពីល្ងាចថ្ងៃចន្ទនេះ ដោយមានការរញ្ជួយនៅក្នុងរដ្ឋធានីតៃប៉ិ ប៉ុន្តែមិនមានរបាយការណ៍ភ្លាមៗ អំពីការខូចខាតនោះទេ ។
ការិយាល័យអាកាសធាតុបានឲ្យដឹងថា គ្រោះរញ្ជួយដីកម្រិត ៦.០រ៉ិចទ័រ និងមានជម្រៅ១៩គីឡូម៉ែត្រ ។ ទីភ្នាក់ងារស្ទង់ទិន្នន័យភូគព្ភសាស្ត្រ សហរដ្ឋអាមេរិក ហៅកាត់(USGS) បានដាក់រង្វាស់រ៉ិចទ័រខ្ពស់ជាងនេះ នៅរហូតដល់៦,២រ៉ិចទ័រ ។
ចំណុចកណ្តាលត្រូវបាន ផ្តល់ឱ្យនៅក្នុងសមុទ្រ ៥៦គីឡូម៉ែត្រ ភាគខាងកើតនៃ ទីក្រុងឆ្នេរសមុទ្រ Hualien ។
ការិយាល័យអាកាសធាតុបានឲ្យដឹងថា មិនទាន់មានរបាយការណ៍ភ្លាមៗ អំពីការខូចខាតនៅឡើយទេ ។
អ្នកយកព័ត៌មានមកពីទីភ្នាក់ងារ AFP ប្រចាំក្រុងតៃប៉ិ បានឲ្យដឹងថា អគារនានាបានផ្លាស់ប្តូរយ៉ាងខ្លាំងក្លា នៅពេលដែលការរញ្ជួយបានវាយប្រហារ អំឡុងពេលធ្វើដំណើរក្នុងម៉ោង ដែលមានអ្នកធ្វើដំណើរដ៏មមាញឹក គឺនៅម៉ោង ៥និង៤៦នាទីល្ងាច ។
អ្នកយកព័ត៌មានរូបនេះបានលើកឡើងថា “ការញ័របានអូសបន្លាយរយៈពេល ២០វិនាទី ហើយដីរំកិលទៅឆ្វេងទៅស្តាំ ។
កោះតៃវ៉ាន់តែងតែ រងការរញ្ជួយដីជាប្រចាំ ខណៈដែលកោះនេះស្ថិតនៅជិត ចំណុចប្រសព្វនៃបន្ទះប្លាកែតចំនួន២ ៕
ប្រែសម្រួលដោយ៖ ម៉ៅ បុប្ផាមករា
