បុរសម្នាក់រងការចោទ ប្រកាន់ពីបទឆបោកប្រាក់ជាង ១,៥លានដុល្លារសិង្ហបុរី

សិង្ហបុរី៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី៧ ខែមករា ឆ្នាំ២០២២ថា នៅថ្ងៃសុក្រនេះ បុរសវ័យ៦៩ឆ្នាំម្នាក់ នឹងត្រូវបានចោទប្រកាន់ នៅតុលាការជុំវិញសំណុំរឿង ឆបោកប្រាក់ ដែលពាក់ព័ន្ធនឹងទឹកប្រាក់ចំនួន ១,៥លានដុល្លារសិង្ហបុរី ។
ប៉ូលិសបានទទួលរបាយការណ៍ កាលពីថ្ងៃទី២៦ ខែកក្កដាពីជនរងគ្រោះ ដែលចង់ទទួលបានប្រាក់កម្ចីចំនួន ១៥លានដុល្លារសិង្ហបុរី។

ប៉ូលិសបានឲ្យដឹងនៅក្នុង សេចក្តីប្រកាសព័ត៌មាន កាលពីថ្ងៃព្រហស្បតិ៍ថា “ជនរងគ្រោះត្រូវបានស្នើសុំ ឱ្យបង់ប្រាក់ចំនួន ១,៥លានដុល្លារសិង្ហបុរី ទៅឱ្យឈ្មួញកណ្តាលដាក់ប្រាក់កម្ចី ដើម្បីធានាប្រាក់កម្ចី ហើយជាថ្នូរនឹងប្រាក់កម្ចីនេះ” ។

ការស៊ើបអង្កេតបានបង្ហាញថា ជនសង្ស័យបានរក្សាទុកប្រាក់ចំនួន ១,២៥លានដុល្លារសិង្ហបុរី និងបានសងប្រាក់ដែលនៅសល់ ទៅឱ្យឈ្មួញកណ្តាលដាក់ប្រាក់កម្ចី ។

ប៉ូលិសបានឲ្យដឹងថា ជនសង្ស័យមិនអាចទាក់ទង បានទេបន្ទាប់ពីនោះហើយ ទំនងជាមិនបានផ្តល់ប្រាក់កម្ចីនោះទេ ។

ប៉ូលិសបានចាប់ខ្លួន បុរសនោះកាលពីថ្ងៃពុធ និងបានរឹបអូសឧបករណ៍អេឡិចត្រូនិច ក្នុងអំឡុងពេលប្រតិបត្តិការ ជាសំណុំរឿង ។

ប៉ូលិសបានលើកឡើងថា គេជឿថាបុរសនោះជាប់ពាក់ព័ន្ធ នឹងករណីស្រដៀងគ្នាផ្សេងទៀត ៕

ប្រែសម្រួលដោយ៖ ម៉ៅ បុប្ផាមករា