វ៉ាស៊ីនតោន ៖ មជ្ឈមណ្ឌលគ្រប់គ្រង និងការពារជំងឺអាមេរិក (CDC) បានឲ្យដឹងថា ការសិក្សាចំនួន៣ របស់សហរដ្ឋអាមេរិកបង្ហាញថា ការចាក់វ៉ាក់សាំង mRNA លើកទី៣ គឺជាគន្លឹះក្នុងការ ប្រយុទ្ធប្រឆាំង នឹងវីរុសបំប្លែងខ្លួនថ្មីងូមីក្រុង ដោយផ្តល់ នូវការការពារ ៩០ភាគរយប្រឆាំង នឹងការចូលសម្រាក នៅមន្ទីរពេទ្យដោយសារតែជំងឺកូវីដ-១៩ ។
ការសិក្សាដែលដឹកនាំដោយ CDC គឺស្ថិតក្នុងចំណោមអ្នកដំបូង គេនៅសហរដ្ឋអាមេរិក ដែលពិនិត្យមើលផលប៉ះពាល់ នៃកម្រិតថ្នាំដូសជំរុញប្រឆាំង នឹងទម្រង់ឆ្លងអូមីក្រុង ដែលរីករាលដាលយ៉ាងឆាប់រហ័ស ដែលឥឡូវនេះមានចំនួន ៩៩ ភាគរយនៃករណីឆ្លងជំងឺកូវីដ-១៩ ថ្មីទាំងអស់។
សរុបមក មានការណែនាំថា ថ្នាំដូសជំរុញ បានជួយការពារប្រឆាំងនឹងការឆ្លងមេរោគ និងជំងឺដែលមានរោគសញ្ញា ហើយមនុស្សពេញវ័យ ដែលមានអាយុចាប់ពី ៥០ ឆ្នាំឡើងទៅបានឃើញអត្ថប្រយោជន៍ច្រើនបំផុត ពីការចាក់បន្ថែមនៃវ៉ាក់សាំង ដែលផលិតដោយ BioNTech ជាមួយ Pfizer ឬ Moderna ។
លោកវេជ្ជបណ្ឌិត Rochelle Walensky នាយក CDC បានឲ្យដឹងនៅក្នុងសន្និសីទសារព័ត៌មានមួយនៅសេតវិមាន កាលពីថ្ងៃសុក្រថា “ការការពារប្រឆាំង នឹងការឆ្លងមេរោគ និងការចូលមន្ទីរពេទ្យជាមួយនឹងទម្រង់អូមីក្រុង គឺខ្ពស់បំផុតសម្រាប់អ្នក ដែលធ្វើបច្ចុប្បន្នភាព ជាមួយនឹងការ ចាក់វ៉ាក់សាំង របស់ពួកគេ មានន័យថា អ្នកដែលត្រូវបានទទួលដូសជំរុញ នៅពេល ដែលពួកគេមានសិទ្ធិទទួលវ៉ាក់សាំង” ៕
ដោយ ឈូក បូរ៉ា
