បរទេស៖ យោងតាមការចេញផ្សាយរបស់ CGTN នៅថ្ងៃចន្ទនេះបានឲ្យដឹងថា អធិកាបតីថ្មីអាល្លឺម៉ង់លោក Olaf Scholz បានធ្វើការលើកឡើងថា លោកបានត្រៀមរួចទៅហើយ ដើម្បីអាចធ្វើការដាក់ពង្រាយ កងកម្លាំងរបស់អាល្លឺម៉ង់ ទៅកាន់ប្រទេសលីទុយនេស៊ី។
![](https://dap-news.com/wp-content/uploads/2022/02/photo_2022-02-08_09-31-32.jpg)
លោកអធិកាបតីរូបនេះ ក៏បានបញ្ជាក់ដែរថា ការដាក់ពង្រាយទ័ពនេះធ្វើឡើង ក្នុងគោលបំណងសំខាន់ ដើម្បីអាចធ្វើការពង្រឹងភាពរឹងម៉ាំ របស់អឺរ៉ុបជាពិសេស សម្ព័ន្ធមិត្តរបស់ណាតូ និងជាការឆ្លើយទៅនឹងសកម្មភាពបង្កើន ចំនួនយោធារបស់រុស្សី នៅក្បែរព្រំដែនអ៊ុយក្រែន។
លោក Scholz បានថ្លែងបញ្ជាក់បែបនេះថា ពួកយើងបានត្រៀមខ្លួន រួចរាល់ហើយក្នុងការប្រតិបត្តិការ ដែលចាំបាច់ទាំងឡាយក្នុងការពង្រឹង កម្លាំងការពាររបស់លីទុយនេស៊ី និងកងកម្លាំង ដែលដឹកនាំដោយអាល្លឺម៉ង់ ។
![](https://dap-news.com/wp-content/uploads/2022/02/photo_2022-02-08_09-31-34-1024x655.jpg)
អធិកាបតីរូបនេះក៏បានអះអាងដែរថា លោកនឹងធ្វើការពិភាក្សា សំណើក្នុងការដាក់ពង្រាយយោធានេះ ជាមួយនឹងមេដឹកនាំនៃ បណ្តាប្រទេសតំបន់ប៉ាល់តិច ដែលមានទាំងអេស្តូនីឡាត់វៀត និងលីទុយនេស៊ីផងដែរ ៕
ប្រែសម្រួល៖ ស៊ុន លី
![](https://dap-news.com/wp-content/uploads/2020/08/1-1.png)