បរទេស៖ ទីភ្នាក់ងារសារព័ត៌មានរបស់រុស្សី Interfax នៅថ្ងៃអង្គារនេះបានចេញផ្សាយថា នាវាចម្បាំងរបស់រុស្សីចំនួន៦គ្រឿង បានធ្វើដំណើរឆ្ពោះទៅកាន់ សមុទ្រខ្មៅចេញពីដែនសមុទ្រ ក្នុងតំបន់មេឌីទេរ៉ាណេ ដើម្បីត្រៀមធ្វើសមយុទ្ធយោធាជើងទឹកមួយ។
សេចក្តីប្រកាសកាល ពីខែមុនរុស្សីបានបញ្ជាក់ថា នាវារបស់ខ្លួននឹងរៀបចំ ក្នុងការធ្វើសមយុទ្ធយោធា ដែលមានទាំងនៅក្នុងខែមករា និងខែកុម្ភៈផងដែរ ចាប់ពីដែនសមុទ្រប៉ាស៊ីហ្វិក រហូតទៅដល់សមុទ្រអាត្លង់ទិក។
គួរឲ្យដឹងដែរថានាវាចម្បាំងទាំង៦គ្រឿង នឹងធ្វើដំណើរឆ្លងកាត់ឈូងសមុទ្រ នៃប្រទេសតួកគីឆ្ពោះទៅដល់សមុទ្រខ្មៅ នៅថ្ងៃអង្គារនិងថ្ងៃពុធនេះ បើយោងតាមការបញ្ជាក់ដោយប្រភពចេញ ពីប្រទេសតួកគី៕ ប្រែសម្រួល៖ស៊ុនលី
