រុស្សី ទាមទារ ២ចំណុច ពីតាលីបង់ ដើម្បីអាចឲ្យបរទេស ទទួលស្គាល់រដ្ឋាភិបាល

បរទេស៖ ប្រទេសរុស្សី បានសន្យាក្នុងការជួយគាំទ្រ ដល់រដ្ឋាភិបាលតាលីបង់ ដើម្បីអាចឲ្យបណ្តាប្រទេសលើលោក នឹងនាំគ្នាទទួលស្គាល់ ប៉ុន្តែក្នុងនោះរុស្សីបានធ្វើការ ប្រកាសតាលីបង់គួរតែអនុវត្តចំណុច ២សំខាន់ៗជាមុនសិន។

យោងតាមការចេញផ្សាយរបស់ RT របស់រុស្សីនៅថ្ងៃពុធ បានឲ្យដឹងថា មន្ត្រីជាន់ខ្ពស់របស់រុស្សីលោក Zamir Kabulov
បានប្រកាសនៅលើបណ្តាញសង្គម Twitter របស់ខ្លួនថាតាលីបង់ ត្រូវធ្វើការកែប្រែចំណុចចំនួន២ គឺបញ្ហាចម្រុះជាតិសាសនិងបញ្ហា
សិទ្ធមនុស្សនៅក្នុងប្រទេស។

លោក Zamir បានបញ្ជាក់ថា រដ្ឋាភិបាលតាលីបង់ចាំបាច់ ត្រូវមានសមាជិកពីបណ្តាជាតិសាសន៍ ផ្សេងក្រៅតែពីសមាជិក ក្រុមតាលីបង់គ្នាឯង
ហើយមួយទៀតគឺបញ្ហាសិទ្ធមនុស្ស ជាពិសេសស្ត្រីក្នុងការទទួលបាន សិទ្ធធ្វើការងារនិងបំពេញការរៀនសូត្រ ដូចជាមនុស្សប្រុសដែរ ៕

ប្រែសម្រួល៖ ស៊ុន លី