ហ្សាកាតា៖ ក្រសួងសុខាភិបាលរបស់ ប្រទេសឥណ្ឌូណេស៊ីបានឲ្យដឹងថា ខ្លួនបានបញ្ជាក់ពីករណីឆ្លងជំងឺកូវីដ-១៩ថ្មីចំនួន ៤៤,៥២៦ករណី ដែលបានបង្កើនចំនួនអ្នកឆ្លងសរុបកើនឡើងដល់ ៤,៨០៧,៧៧៨ករណី នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
យោងតាមក្រសួង ចំនួនអ្នកស្លាប់ដោយសារជំងឺ កូវីដ-១៩ នៅក្នុងប្រទេសបានកើនឡើងពី ១១១ នាក់ សរុបកើនឡើងដល់ ១៤៥,១៧៦នាក់ ខណៈមនុស្សចំនួន ២៦,៩១៦ នាក់ទៀតបានជាសះស្បើយពីជំងឺក្នុងរយៈពេល ២៤ ម៉ោងកន្លងមក ដែលនាំឱ្យចំនួនអ្នកជាសះស្បើយសរុបកើនដល់ ៤,៣០៩,៧៦៣នាក់។
ខណៈដែលរដ្ឋាភិបាលឥណ្ឌូនេស៊ី កំពុងពន្លឿនកម្មវិធីចាក់វ៉ាក់សាំងថ្នាក់ជាតិរបស់ខ្លួន ដើម្បីទប់ស្កាត់ការរីករាលដាលនៃមេរោគ មនុស្សជាង ១៨៨,២៨លាននាក់បានទទួលវ៉ាក់សាំងលើកទីមួយ ខណៈដែលជាង ១៣៥៨៧៦លាននាក់ បានចាក់វ៉ាក់សាំងលើកទីពីរ។
ប្រទេសឥណ្ឌូណេស៊ី បានចាប់ផ្តើមចាក់វ៉ាក់សាំងការពារជំងឺកូីដ-១៩ ទ្រង់ទ្រាយធំនៅក្នុងខែមករាឆ្នាំមុន បន្ទាប់ពីអាជ្ញាធរបានអនុម័ត ការប្រើប្រាស់ជាបន្ទាន់នៃវ៉ាក់សាំង Sinovac របស់ចិន។
ដោយមានគោលបំណង ចាក់វ៉ាក់សាំងឱ្យបានពេញលេញដល់មនុស្ស ២០៨,២លាននាក់នៅក្នុងប្រទេសនេះ រដ្ឋាភិបាលឥណ្ឌូនេស៊ី បានគ្រប់គ្រងជាងវ៉ាក់សាំងចំនួន ៣៣១,០៩លានដូស រួមទាំងការចាក់វ៉ាក់សាំងលើកទី៣ ផងដែរ៕
