ប្រែសម្រួលៈ ណៃ តុលា
បរទេស៖ តំណាងសហរដ្ឋអាមេរិក អង្គការណាតូ អង្គការសហប្រជាជាតិ ក៏ដូចជារដ្ឋលោកខាងលិចមួយចំនួនបានប្រកាសពីការមិនពេញចិត្តទៅលើលោកប្រធានាធិបតីរុស្ស៊ី វ្ល៉ាឌីមៀ ពូទីន អំពី “ប្រតិបត្តិការយោធាពិសេស” នៅក្នុងតំបន់ Donbass ។
យោងតាមសារព័ត៌មាន RT ចេញផ្សាយនៅថ្ងៃទី២៤ ខែកុម្ភៈ ឆ្នាំ២០២២ បានឱ្យដឹងថា បន្ទាប់ពីប្រធានាធិបតីពូទីនបានឆ្លើយតបទៅនឹងសំណើ ជំនួយយោធាពី Donetsk (DPR) និង Lugansk (LPR) សាធារណៈរដ្ឋប្រជាមានិតនៅ Donbass ដោយចាប់ផ្តើម “ប្រតិបត្តិការយោធាពិសេស” នៅក្នុងតំបន់កាលពីព្រឹកថ្ងៃព្រហស្បតិ៍ ប្រធានាធិបតីអាមេរិក Joe Biden បាននិយាយថា គាត់នឹងធ្វើឱ្យរុស្ស៊ី “ទទួលខុសត្រូវ។ សម្រាប់ការស្លាប់ និងការបំផ្លិចបំផ្លាញ ការវាយប្រហារនេះ នឹងនាំមកនូវក្តីអន្តរាយ”។
លោកប្រធានាធិបតី Biden បាននិយាយនៅក្នុងសេចក្តីថ្លែងការណ៍មួយថា “សហរដ្ឋអាមេរិក និងសម្ព័ន្ធមិត្ត និងដៃគូរបស់ខ្លួននឹងឆ្លើយតបក្នុងវិធីរួបរួម និងការសម្រេចចិត្ត។ ពិភពលោកនឹងទទួលខុសត្រូវ ចំពោះប្រទេសរុស្ស៊ី” ដោយបន្ថែមថាគាត់នឹង “អធិស្ឋានសម្រាប់ប្រជាជនដ៏ក្លាហាន និងមានមោទនភាពរបស់អ៊ុយក្រែន” ៕
