បរទេស៖ សេវាឆ្មាំព្រំដែនអ៊ុយក្រែនបានអះអាងថា ប្រតិបត្តិការយោធាដែលធ្វើឡើងដោយរុស្ស៊ីប្រឆាំងនឹងអ៊ុយក្រែន មិនត្រឹមតែបានមកពីឆ្លងកាត់ព្រំដែនរួមគ្នារបស់រុស្ស៊ីនិងអ៊ុយក្រែន ប៉ុណ្ណោះទេ ប៉ុន្តែក៏មានពីប្រទេសបេឡារុស្សផងដែរ។
យោងតាមសារព័ត៌មាន RT ចេញផ្សាយនៅថ្ងៃទី២៤ ខែកុម្ភៈ ឆ្នាំ២០២២ បានឱ្យដឹងថា យោងតាមអាជ្ញាធររបស់ខ្លួន អ៊ុយក្រែនត្រូវបានរុស្ស៊ី វាយប្រហារនៅម៉ោងប្រហែល ៥ ព្រឹកនៅព្រឹកថ្ងៃព្រហស្បតិ៍នៅទូទាំងព្រំដែនទាំងពីរដោយផ្តោតលើតំបន់ Lugansk, Sumy, Kharkov, Chernihiv និង Zhytomyr ។
ទីក្រុងគៀវមិនបានផ្តល់ភ័ស្តុតាងផ្ទាល់ដើម្បីគាំទ្រការអះអាងរបស់ខ្លួននោះទេ ប៉ុន្តែទូរទស្សន៍ CNN បានចាក់ផ្សាយវីដេអូ ដែលបង្ហាញពីរថក្រោះឆ្លងចូលអ៊ុយក្រែនពីប្រទេសបេឡារុស។ រុស្ស៊ីមិនទាន់ធ្វើអត្ថាធិប្បាយជុំវិញការចោទប្រកាន់នេះនៅឡើយទេ៕
