បរទេស៖ ប្រទេសចិនឥឡូវនេះ បើកចំហយ៉ាងពេញលេញចំពោះការចែកចាយស្រូវសាលី របស់រុស្ស៊ី ខណៈដែលការរឹតបន្តឹងលើការនាំចូលទាំងអស់ ត្រូវបានដកចេញ នេះបើយោងតាមការចុះផ្សាយ របស់កាសែត South China Morning Post ដោយដកស្រង់សម្តី របស់រដ្ឋបាលគយរបស់ប្រទេសចិន។
យោងតាមសារព័ត៌មាន RT ចេញផ្សាយនៅថ្ងៃទី២៧ ខែកុម្ភៈ ឆ្នាំ២០២២ បានឱ្យដឹងថា សេចក្តីប្រកាសនេះត្រូវបានផ្សព្វផ្សាយជាសាធារណៈ នៅថ្ងៃព្រហស្បតិ៍ ប៉ុន្មានម៉ោងបន្ទាប់ពីប្រទេសរុស្ស៊ី បានចាប់ផ្តើមប្រតិបត្តិការយោធា របស់ខ្លួនក្នុងប្រទេសអ៊ុយក្រែន ដោយបន្ថែមថា កិច្ចព្រមព្រៀងនេះអាចផ្តល់ខ្សែជីវិត ដល់សេដ្ឋកិច្ចរុស្ស៊ី ខណៈដែលប្រទេសនេះប្រឈមមុខនឹងទណ្ឌកម្មសេដ្ឋកិច្ចដ៏តឹងតែង ពីសហភាពអឺរ៉ុប និងសហរដ្ឋអាមេរិក និងនៅឯ ក្នុងពេលជាមួយគ្នានេះ ក៏បង្ហាញអំពីតម្រូវការរបស់ប្រទេសចិន ក្នុងការពង្រឹងសន្តិសុខស្បៀងផងដែរ។
កាលពីមុនប្រទេសចិន បានរឹតបន្តឹងការនាំចូល ពីប្រទេសរុស្ស៊ីដោយសារតែការព្រួយបារម្ភ អំពីអនាម័យដែលជាវិធានការដើម្បីគ្រប់គ្រងការរីករាលដាល នៃជំងឺរុក្ខជាតិ។ កាលពីដើមខែនេះ ក្នុងអំឡុងដំណើរទស្សនកិច្ច របស់ប្រធានាធិបតីរុស្ស៊ី លោក វ្ល៉ាឌីមៀ ពូទីន ទៅកាន់ទីក្រុងប៉េកាំង ប្រទេសចិនបានយល់ព្រមអនុញ្ញាត ឱ្យមានការនាំចូលពីប្រទេសរុស្ស៊ី៕ ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
