បរទេស៖ អគ្គលេខាធិកាអង្គការ ណាតូ លោក Jens Stoltenberg កាលពីថ្ងៃអង្គារម្សិលមិញនេះ បានចេញមក ធ្វើការសេចក្តីថ្លែងការណ៍ ថាមកដល់ពេលនេះ យើងមិនទាន់មានភាពចាំបាច់ ដើម្បីបង្កើនកម្រិត ប្រកាសអាសន្ន ដើម្បីឆ្លើយតបទៅនឹងសកម្មភាព របស់រុស្សីឡើយ។
សេចក្តីថ្លែងការណ៍ ដែលបានធ្វើឡើង បន្ទាប់ពីកិច្ចប្រជុំមួយ រវាងលោកជាមួយនឹង ប្រធានាធិបតីប៉ូឡូញលោក Andrzej Duda នៅឯមូលដ្ឋានទ័ពអាកាស Lask ដែលជាមូលដ្ឋានដ៏សំខាន់មួយ នៃក្រុមសម្ព័ន្ធមិត្ត បានប្រើប្រាស់ ជាទីកន្លែងទុកសម្រាប់ឈរជើង នៃកងកម្លាំង ជើងហោះហើរ F-15 និង F-16 ជាច្រើនគ្រឿង។
លោកបានបញ្ជាក់បែបនេះថា៖ ពួកយើងតែងតែធ្វើអ្វី ដែលចាំបាច់ក្នុងការការពារ និងថែរក្សាក្រុមសម្ព័ន្ធមិត្ត របស់យើងប៉ុន្តែពួកយើង គួរគិតថាវាមិនទាន់ដល់ ពេលចាំបាច់ដែលត្រូវកែប្រែ កម្រិតប្រកាសអាសន្ន ទៅលើបញ្ហាអាវុធនុយក្លេអ៊ែរ សម្រាប់អង្គការណាតូ នៅឡើយនោះទេ។
រំលឹកដែរថា កាលពីថ្ងៃចន្ទប្រទេសរុស្សី បានប្រកាសថាបានបញ្ឈរ គ្រាប់នុយក្លេអ៊ែររួចរាល់ហើយ ទាំងតាមជើងគោកអាកាស និងទឹកផងហើយ កំពុងដាក់នៅក្នុងកម្រិតប្រកាសអាសន្ន ក្នុងកម្រិតដ៏ខ្ពស់មួយ៕
ប្រែសម្រួល៖ស៊ុនលី
