ញូវយ៉ក៖ តម្លៃប្រេង បានកើនឡើង ដល់កម្រិតខ្ពស់ មិនធ្លាប់មាន ក្នុងរយៈពេលច្រើនឆ្នាំ កាលពីថ្ងៃអង្គារ ខណៈដែលជម្លោះរុស្ស៊ី និងអ៊ុយក្រែន នៅតែបន្ត ដែលបង្កឱ្យមានការភ័យខ្លាច អំពីការរំខានការផ្គត់ផ្គង់ ថាមពលពីប្រទេសនាំចេញ ដ៏សំខាន់របស់រុស្ស៊ី។
West Texas Intermediate (WTI) សម្រាប់ការចែកចាយ ខែមេសា បានបន្ថែម ៧,៦៩ដុល្លារអាមេរិកឬ ៨ភាគរយដើម្បីទូទាត់នៅ ១០៣,៤១ ដុល្លារក្នុងមួយបារ៉ែលនៅលើផ្សារហ៊ុន New York Mercantile Exchange ។ យោងតាមទិន្នន័យទីផ្សារ Dow Jones បានឱ្យដឹងថា វាបានក្លាយជាការទូទាត់ខ្ពស់បំផុតសម្រាប់កិច្ចសន្យាមុនខែចាប់តាំងពីខែកក្កដាឆ្នាំ២០១៤។
ប្រេងឆៅប្រភេទ Brent សម្រាប់ចែកចាយនៅខែឧសភា បានកើនឡើង ៧ដុល្លារ ឬជិត ៧,២ ភាគរយ មកបិទនៅតម្លៃ ១០៤,៩៧ដុល្លារក្នុងមួយបារ៉ែលនៅលើផ្សារហ៊ុន London ICE Futures Exchange ដែលជាការបញ្ចប់ខ្ពស់បំផុតចាប់តាំងពីថ្ងៃទី០៨ ខែសីហា ឆ្នាំ២០១៤។
នៅថ្ងៃច័ន្ទ WTI និង Brent បានកើនឡើង ៤,៥ ភាគរយ និង ៣,១ភាគរយរៀងគ្នា។ អ្នកជំនាញបានកត់សម្គាល់ឃើញថា ប្រតិបត្តិការយោធាដែលកំពុងបន្តរបស់ទីក្រុងមូស្គូក្នុងប្រទេសអ៊ុយក្រែន និងការដាក់ទណ្ឌកម្មលោកខាងលិច ដ៏ឆ្ងាយប្រឆាំងនឹងរុស្ស៊ី បានបង្កឱ្យមានការព្រួយបារម្ភ អំពីការរំខានដល់ការផ្គត់ផ្គង់ ថាមពលរបស់រុស្ស៊ី៕
ប្រែសម្រួល ឈូក បូរ៉ា
