បរទេស៖ បើតាមទីភ្នាក់ងារព័ត៌មាន Reuters ថា បុគ្គលិកទូទៅរបស់យោធាអ៊ុយក្រែន បាននិយាយកាលពីថ្ងៃអាទិត្យថា ទាហានរុស្ស៊ីជាង ១១ ០០០ នាក់ត្រូវបានសម្លាប់ក្នុងរយៈពេល ១០ ថ្ងៃ ចាប់តាំងពីការឈ្លានពានអ៊ុយក្រែន បានចាប់ផ្តើម ។
យោងតាមសារព័ត៌មាន The Week ចេញផ្សាយកាលពីថ្ងៃទី៦ ខែមីនា ឆ្នាំ២០២២ បានឱ្យដឹងថា កាលពីថ្ងៃពុធ ប្រធានាធិបតីអ៊ុយក្រែន លោក Volodymyr Zelensky បានដាក់ចំនួនទាហានរុស្ស៊ីដែលបានស្លាប់ចំនួន ៦ ០០០នាក់។ របាយការណ៍ទាំងនោះមិន បានរួមបញ្ចូលការស្លាប់និង របួសរបស់យោធាអ៊ុយក្រែនទេ ។
ឧត្តមសេនីយរុស្ស៊ី គឺលោក Igor Konashenkov បាននិយាយកាលពីថ្ងៃពុធថា ទាហានរុស្ស៊ី ៤៩៨ នាក់ត្រូវបានសម្លាប់ និង ១ ៥៩៧ នាក់រងរបួស។ គាត់ក៏បានផ្តល់ចំនួនជនរងគ្រោះផងដែរសម្រាប់យោធាអ៊ុយក្រែន៖ ច្រើនជាង ២ ៨៧០នាក់ត្រូវបានសម្លាប់ និងប្រហែល ៣ ៧០០នាក់រងរបួស និង ៥៧២នាក់ត្រូវបានចាប់ខ្លួន។
របាយការណ៍របស់ឧត្តមសេនីយ៍ Konashenkov មិនបានរាប់បញ្ចូលការ ប៉ាន់ប្រមាណ នៃចំនួនជនស៊ីវិលអ៊ុយក្រែន ប៉ុន្មាននាក់ ត្រូវបានសម្លាប់ ប៉ុន្តែសេវាសង្គ្រោះបន្ទាន់ របស់អ៊ុយក្រែនបានអះអាងថា ក្នុងមួយសប្តាហ៍ក្នុងការលុកលុយ ជនស៊ីវិលប្រហែល ២ ០០០ នាក់ត្រូវបានសម្លាប់ ។ គិតត្រឹមថ្ងៃអាទិត្យនេះ ការិយាល័យឧត្តមស្នងការអង្គការសហប្រជាជាតិទ ទួលបន្ទុកសិទ្ធិមនុស្សអាចបញ្ជាក់ពីការ ស្លាប់របស់ជនស៊ីវិលចំនួន ៣៦៤ នាក់ប៉ុណ្ណោះ ទោះបីជាវាបាននិយាយថា “តួលេខពិត” ប្រហែលជា “ខ្ពស់ជាងគួរឱ្យកត់សម្គាល់” ៕ប្រែសម្រួលៈ ណៃ តុលា
